fbpx
February 18, 2021

২.৬১ কোটিত বিক্রী এটা গৰু পোৱালি

এগৰাকী স্পাইচ গার্লৰ নামেৰে নামকৰণ কৰা চেউৰী গৰু পোৱালি এজনীৰ বিক্রী মূল্যই অভিলেখ গঢ়িছে পৃথিৱীত৷ ‘প’ছ স্পাইচ’ নামৰ এই চেউৰী গৰু পোৱালিজনী বিক্রী হৈছে ২ লাখ ৬২ হাজাৰ পাউণ্ড অর্থাৎ ২ কোটি ৬১ লাখ টকাত৷ ব্রিটেইন আৰু ইউৰোপতেই আটাইতকৈ মূল্যৱান পোহনীয়া জন্তু নহয় এই প’ছ স্পাইচ৷ পৃথিৱীজুৰি প’ছ স্পাইচৰ বিক্রী মূল্যই এতিয়া সৃষ্টি কৰিছে চাঞ্চল্য৷ মই ইংলেণ্ডৰ শ্রপ ছায়াৰৰ লজ পামত চাৰি মাহ পূর্বে জন্ম হৈছিল এই গৰু পোৱালিটোৰ৷ ৱাইল’ডজ প’ছ স্পাইচ হৈছে এটি অতি সুঠাম পোৱালি৷ যোৱা মাহত এই গৰু পোৱালিটো কার্লিছত দুগুণ মূল্যত নিলাম হৈছে৷ ২০১৪ চনত ১ লাখ ৩১ হাজাৰ ২৫০ পাউণ্ডত এটি গৰু পোৱালি বিক্রী হৈছিল৷ এয়া আছিল এক অভিলেখ৷ ‘দ্য ইণ্ডিপেণ্ডেণ্ট’ কাকতৰ প্রতিবেদন অনুসৰি ১৯৮৯ চনত ক্রিষ্টাইন উইলিয়ামছ আৰু তেওঁৰ প্রয়াত পিতৃ ডনে প্রতিষ্ঠা কৰিছিল এক পশু পাম৷ পশু পালনৰ জৰিয়তে তেওঁলোকে ব্রিটেইনত অভিলেখ গঢ়ি তুলিছিল৷ প’ছ স্পাইচৰ নিলামৰ পিছতে গৰু পোৱালিটো ক্রয় কৰা কাম্ব্রিয়াৰ মেছার্ছ জেনকিছন আৰু গ্রেটাৰ মানচেষ্টাৰৰ বাইডেন তথা ডেভিচলৈ অভিনন্দন জ্ঞাপন কৰিছে ব্রিটিছ নিমুছিন কেটেল ছ’চাইটীৰ সচিব উইল কেটলিয়ে৷ প’ছ স্পাইচৰ এই বিক্রীৰ জৰিয়তে ব্রিটিছ পশুপালকসকল উৎসাহিত হ’ব বুলিও কেটলিয়ে উল্লেখ কৰিছে৷

Source – Niyomiabarta

error: Content is protected !!