মৰিধল মহাবিদ্যালয়ৰ মেধাৱী ছাত্ৰী নন্দিতা শইকীয়াক বৰ্বৰভাৱে আক্ৰমণ কৰি হত্যা কৰাৰ গোচৰত অভিযুক্ত ৰিণ্টু শৰ্মালৈ আইনী সাহাৰ্য আগবঢ়োৱাৰ সিদ্ধান্তক নস্যাৎ কৰিছে ধেমাজি জিলা উকীল সন্থাই(Dhemaji Advocate Association) ৷ জিলাখনৰ কোনো অধিবক্তাই ৰিণ্টুৰ হৈ ওকালতি নকৰাৰ সিদ্ধান্ত গ্ৰহণ কৰে ৷ লগতে অভিযুক্ত ৰিণ্টুক ফাষ্টট্ৰেক আদালতত হাজিৰ কৰোৱাৰ দাবী জনায় ৷ ধেমাজি প্ৰেছ ক্লাৱত শনিবাৰে সংবাদ মাধ্যমৰ আগত এই সিদ্ধান্তৰ কথা সদৰী কৰে ধেমাজি জিলা উকীল সন্থাৰ উপ সভাপতি জয়ন্ত দত্তই ৷
