মাকুম ছোটা হাপজানৰ ২৫ নং চাহ বাগিচাত এজন ব্যক্তিৰ মৃতদেহ উদ্ধাৰ
মাকুম ছোটা হাপজানৰ ২৫ নং চাহ বাগিচাত হত্যাকাণ্ডৰ ঘটনা ।
অতি নিৰ্মমভাৱে হত্যা কৰি মুখমণ্ডলত কাপোৰেৰে বান্ধি পলিথিনেৰে মেৰিয়াই থোৱা অৱস্থাত উদ্ধাৰ মৃতদেহটো ।
এগৰাকী স্থানীয় লোকৰ ভাষ্য অনুসৰি, প্ৰায় ৪২ বছৰ বয়সৰ বীৰেন্দ্ৰ সিঙ নামৰ লোকজন বিহাৰৰ বুলি জানিব পৰা গৈছে ।
মাকুমৰ বৰ পথাৰৰ চামু গুৱালা নামৰ ব্যক্তিজনৰ ঘৰত ভাড়াতীয়া হিচাপে আছিল ।
আজি তিনিদিন ধৰি লোকজন নিৰুদ্দেশ হৈ আছিল । শনিবাৰে পুৱাই বাগিছাত কৰ্মৰত শ্ৰমিকে পলিথিনেৰে বান্ধি থোৱা অৱস্থাত মৃতদেহটো প্ৰত্যক্ষ কৰি স্থানীয় মাকুম আৰক্ষীলৈ খবৰ দিয়ে ।
ইতিমধ্যে ঘটনাস্থলীত স্থানীয় মাকুম আৰক্ষীৰ দল উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে লৈ যোৱা হয় ।
