ঘিলামৰাৰ বৰ্ষামুখ মহুৰা চাপৰিত পথ দুৰ্ঘটনা নিহত ২
ঢকুৱাখনা উপ-জিলাৰ ঘিলামৰা থানাৰ অন্তগত বৰ্ষামুখ পঞ্চায়তৰ মহুৰা চাপৰিত আজি বিয়লি হোৱা এক পথ দুৰ্ঘটনাত দুজন লোক থিতাতে নিহত হয় ৷ জানিব পৰা মতে এ এছ ০৭ এক্স ৮৯৬০ নম্বৰ আৰু এএছ ০৬ ই ০৪৫৯ নম্বৰৰ বাইক দুখনৰ মুখামুখি সংঘৰ্ষত শোকাবহ দুৰ্ঘটনাতহ সংঘটিত হয় ৷ নিহত লোক দুজনৰ এজনক ১নং পাৰঘাটৰ বিজয় টাইদ (৪৭) বুলি চিনাক্ত কৰা হৈছে যদিও আনজনক কপাক চাপৰিৰ মহানন্দ মিলি বুলি সন্দেহ কৰা বুলি প্ৰতক্ষ্যদৰ্শীয়ে জানিবলৈ দিয়ে যদিও বাতৰি লিখা পৰলৈকে প্ৰক্ত পৰিচয় লাভ কৰা নাই। পিছত ঘটনাস্থলীত ঘিলামৰাৰ আৰক্ষী উপস্থিত হৈ বাইক দুখন জব্দ কৰি ম্তদেহ দুটা মৰণোত্তৰ পৰীক্ষাৰ ব্যৱস্থা কৰে ৷ আনহাতে উক্ত দুৰ্ঘটনাটোত আন দুজন লোকো আহঁত হয় বুলিও জানিবলৈ দিয়ে যদিও পৰিচয় লাভ কৰিবলৈ সক্ষম হোৱা নাই ৷
