ভাৰতীয় প্ৰাক্তন অধিনায়কগৰাকীয়ে কয় যে এতিয়া তেওঁৰ গেৰেজত গাড়ী খুব কম । বাকী থকা সকলো গাড়ী বিক্ৰী কৰি দিছে । কোহলীৰ মন্তব্যই কৌতুহলৰ সৃষ্টি কৰিছে । তেওঁ সদায় গাড়ীৰ প্ৰতি আকৰ্ষিত হৈ আহিছিল । গেৰেজত বিভিন্ন সময়ত দেখা গৈছিল দামী গাড়ী । বিৰাট কোহলীয়েও ছ’চিয়েল মিডিয়াত সেই গাড়ীখনৰ বিষয়ে বহু পোষ্ট দিছিল । কিয় হঠাতে ইমান গাড়ী বিক্ৰী কৰিলে ? আৰচিবিৰ ইউটিউব চেনেলত এটা ভিডিঅ’ত কোহলীয়ে কয়, ‘মোৰ বেছিভাগ গাড়ীয়েই ইম্পলছ বাই । সেই গাড়ীবোৰ খুব কম চলাইছিল । অলপ পিছত এনে লাগিল যেন এনেদৰে গাড়ী কিনি লাভ নাই । গতিকে বেছিভাগ গাড়ী বিক্ৰী কৰি দিছো । ”
ইয়াত কোহলীয়ে তেওঁৰ পৰিপক্ক মানসিকতাক উজ্জ্বল কৰি তুলিছে । বুজাই দিলে যে তেওঁ কিয় আগৰ তুলনাত ইমান পৰিপক্ক । ক্ৰিকেট খেলপথাৰতেই হওঁক বা খেলপথাৰৰ বাহিৰত হওঁক । কোহলীয়ে কয়, “মানুহৰ বয়স বৃদ্ধিৰ লগে লগে তেওঁলোকে নিজৰ চৌপাশৰ কথাবোৰ ভালদৰে চিনি পায় আৰু বুজি পায় । কিছুদিন পূৰ্বে কোহলীয়ে আই পি এলক লৈ মুখ মেলিছিল । ক’লে, ‘ক্ৰিকেটৰ প্ৰতি মোৰ প্ৰেম একেই আছে । নিজকে পুনৰ উদ্ভাৱন কৰিবলগীয়া হ’ল । গতিকে খেলপথাৰৰ পৰা অলপ আঁতৰি আহিছিলোঁ ।
মই বিধ্বস্ত হ’লে কেনেকৈ মুক্তি পাম সেইটো বিচাৰি উলিয়াবলৈ চেষ্টা কৰি আছিলোঁ । মানুহ হিচাপে নিজৰ লগত যোগাযোগ কৰাটো প্ৰয়োজনীয় আছিল । মই নিজকে অনবৰতে প্ৰদৰ্শনৰ দ্বাৰা বিচাৰ কৰিব বিচৰা নাছিলোঁ । ক্ৰিকেটৰ বাহিৰত থকাৰ বাবে বহুত লাভৱান হৈছে । খেলখনৰ প্ৰতি উত্তেজনা আৰু প্ৰেম বাঢ়ি গ’ল । ঘূৰি অহাৰ পিছত প্ৰতিখন মেচতে নতুন নতুন সুযোগ বিচাৰি উলিয়াবলৈ চেষ্টা কৰিলোঁ । মোৰ মূৰত এতিয়া কোনো হেঁচা নাই ।” কোহলীয়ে লগতে কয়, ‘ই মোৰ খেলখন ভাল কৰি তুলিলে । টি-২০, এদিনীয়া আৰু শেহতীয়াকৈ টেষ্ট শৃংখলাতো ভাল খেলিছিল । আগতে যিদৰে খেলিছিলো সেইদৰে খেলি আছোঁ ।
