কোকৰাঝাৰত ডকাইতিৰ এটা আচৰিত ঘটনা পোহৰলৈ আহিছে য’ত এজনী বন কৰা মহিলাই গৃহস্থক ড্ৰাগ খুৱাই অচেতন কৰি সোণৰ অলংকাৰৰ লগতে নগদ ধন আৰু মূল্যৱান সম্পত্তি লুটি লৈ যায়।
সূত্ৰঅনুসৰি, বন কৰা মহিলাগৰাকীয়ে পৰিয়ালটোৰ খাদ্যত অচেতন কৰা ঔষধ মিহলাই ৰাখিছিল, যাৰ পিছত পৰিয়ালৰ লোক অচেতন হৈ পৰাত সুবিধা বুজি ঘৰৰ পৰা বৃহৎ পৰিমাণৰ নগদ ধন আৰু সোণৰ গহনা লুটি লৈ যায়। ইপিনে, ভুক্তভোগীসকল ৰঞ্জিত মণ্ডল আৰু জয়শ্ৰী মণ্ডল বুলি চিনাক্ত কৰা হৈছে। ঔষধ সেৱন কৰাৰ পিছত পৰিয়ালৰ দুয়োজন সদস্য গুৰুতৰভাৱে অসুস্থ হৈ পৰে, পিছচ তেওঁলোকক আইচিইউত ভৰ্তি কৰোৱা হয়। এই ঘটনাটো কোকৰাঝাৰৰ নিউ কলনিৰ বিধানপল্লীত সংঘটিত হৈছে। লগতে, অভিযুক্ত বন কৰা মহিলাগৰাকী সন্ধ্যা দাস বুলি চিনাক্ত কৰা হৈছে।
