দিহিং পাটকাই বৰ্ষাৰণ্যৰ সুৰক্ষাৰ দাবীত মৰিয়নিত আছুৰ মানৱ শৃংখল

মানৱ শৃংখলত আছুৰ কেন্দ্ৰীয় সমিতিৰ সাংগঠনিক সম্পাদক জুল খাউণ্ড উপস্থিত থাকি দিহিং পাটকাই বৰ্ষাৰণ্যত কেন্দ্ৰীয় চৰকাৰে লক ডাউনৰ আচিলা লৈ মুক্ত কয়লা খনন চলাবলৈ অনুমতি দিয়া কাৰ্য্যক তীব্ৰ ভাষাৰে গৰিহনা দিয়া লগতে মুক্ত কয়লা খননৰ ফলত বৰ্ষাৰণ্য খনৰ জৈৱ বৈচিত্ৰৰ প্ৰতি ভাবুকি সৃষ্টি হোৱাৰ উপৰি পৰিবেশৰ ওপৰতো বিৰূপ প্ৰভাৱ পৰিব বুলি উল্লেখ কৰে।আনহাতে দিহিং পাটকাই বৰ্ষাৰণ্যৰ সুৰক্ষাৰ স্বাৰ্থত কেন্দ্ৰীয় চৰকাৰে মুক্ত কয়লা খননৰ সিধান্ত বাতিল নকৰা পৰ্যন্ত আছুৱে গনতান্ত্ৰিক প্ৰতিবাদ অব্যাহত ৰাখিব বুলি সকীয়াই দিয়ে।

আনহাতে লক ডাউনৰ নীতি নিয়ম মানি গ্ৰহণ কৰা মানৱ শৃংখল কাৰ্যসূচীত যোৰহাট জিলা ছাত্ৰ সন্থাৰ সম্পাদক জিতু নেওগ, সহকাৰী সাধাৰন সম্পাদক বিজয় শংকৰ বৰদলৈ, ক্ৰীড়া সম্পাদক দীপ দত্ত লগতে তিতাবৰ মহকুমা ছাত্ৰ সন্থাৰ সভাপতি মাধ্যুৰ্য পাঠক, সম্পাদক দিগন্ত বৰা, নকছাৰী আঞ্চলিক ছাত্ৰ সন্থাৰ মূখ্য উপদেষ্টা পঞ্চানন দুৱাৰা উপস্থিত থাকে। ইয়াৰ উপৰি আছুৰ মানৱ শৃংখলত সহযোগিতা আগবঢ়ায় সদৌ অসম চুতীয়া ছাত্ৰ সন্থাৰ কেন্দ্ৰীয় সমিতিৰ সহকাৰী সম্পাদক ৰাজ বাঢ়ৈ বৰা চুতীয়া আৰু আটছাৰ যোৰহাট জিলা সমিতিৰ সহঃসাধাৰন সম্পাদক ভাইজান ৰবিদাসে।