মুকলি হ’ল মহানগৰীৰ ধাৰাপুৰ বাছ আস্থান!
দীৰ্ঘদিন ধৰি যাতায়াত অসুবিধাত ভুগি আছিল মহানগৰৰ ধাৰাপুৰৰ লগতে দাঁতি কাষৰীয়া অঞ্চলৰ লোকে। মহানগৰীৰ বিভিন্ন স্থানৰ পৰা ধাৰাপুৰলৈ চিটিবাছ সেৱাৰ বাবে বহু আবেদন-নিবেদন জনাইছিল। অৱশেষত কামৰূপ মহানগৰ আয়ুক্ত, জিলা পৰিবহণ বিষয়া কাৰ্যালয়, মেট্ৰো ট্ৰেন্সপৰ্ট এছোচিয়েচন গুৱাহাটী (MTAG) ৰ যৌথ উদ্যোগত আজিৰে পৰা মুকলি হয় মহানগৰীৰ ধাৰাপুৰ বাছ আস্থান।
ফলত বাছত যাতায়াতৰ ক্ষেত্ৰত সুবিধা লাভ কৰিব ধাৰাপুৰবাসীৰ লগতে দাঁতিকাষৰীয়া বৃহত্তৰ অঞ্চলৰ লোকে। আজিৰে পৰা 35 নম্বৰ চন্দ্ৰপুৰৰ পৰা ধাৰাপুৰলৈ 7 খন চিটি বাছ, 36 নম্বৰ বশিষ্ঠ মন্দিৰৰ পৰা AT ৰোড হৈ ধাৰাপুৰলৈ 127 খন বাছ, 37 নম্বৰ বশিষ্ঠ মন্দিৰৰ পৰা চান্দমাৰী হৈ ধাৰাপুৰ 23 খন বাছ , 38 নম্বৰ নাৰেংগীৰ পৰা ধাৰাপুৰলৈ 103 খন বাছ, 39 নম্বৰ পাঞ্জাবাৰীৰ পৰা চান্দমাৰি হৈ ধাৰাপুৰলৈ 61 খন বাছ আৰু 46 নম্বৰ বোন্দা কলনীৰ পৰা ধাৰাপুৰলৈ 9 খন বাছকে ধৰি মুঠ 330 খন উপলব্ধ হ’ব।
যদিহে এই সমূহ ধাৰাপুৰলৈ আগমন নকৰি আধা পথত ঘূৰাই তেনেহ’লে বাছ মালিকে ভৰিব লাগিব 10,000 টকাৰ জৰিমনাৰ লগতে 3 মাহৰ বাবে বৰ্খাস্ত কৰিব চালক হেণ্ডিমেনৰ অনুজ্ঞাপত্ৰ। ধাৰাপুৰৰ বাছ আস্থান মুকলি কাৰ্যসূচীত উপস্থিত থাকে জিলা পৰিবহণ বিষয়া ৰফিকুল ইছলাম, MTGA ৰ বিষয়াৰ লগতে ধাৰাপুৰ অঞ্চলৰ বিশিষ্ট লোক।
