নৱগ্ৰহ মন্দিৰ, নৱগ্ৰহ শ্মশানক লৈ মুখ্যমন্ত্ৰী হিমন্ত বিশ্ব শৰ্মাৰ দুই প্ৰকল্প
শনিবাৰে চিত্ৰাচল পাহাৰত অৱস্থিত ঐতিহাসিক মন্দিৰটো পৰিদৰ্শন কৰে ৰাজ্যৰ মুখ্যমন্ত্ৰী হিমন্ত বিশ্ব শৰ্মাই ৷ মুখ্যমন্ত্ৰী শৰ্মাই মন্দিৰটো পৰিদৰ্শন কৰি ঘোষণা কৰিলে আঁচনি ৷ উন্নত হ’ব নৱগ্ৰহ মন্দিৰলৈ অহা শিলপুখুৰী পথ ৷ শিলপুখুৰীৰ পথৰ দুইকাষে থাকিব উন্নত ৰেলিং ৷ মন্দিৰটোৰ ভক্ত দৰ্শনাৰ্থীৰ আকৰ্ষণ বঢ়োৱা অন্যতম প্ৰাণী বান্দৰ ৷ বিদ্যুৎ পৰিবাহী তাঁৰৰ বাবে মন্দিৰত সঘনে সংঘটিত হৈছে অঘটন ৷ এনে অঘটন ৰোধৰ বাবে চিত্ৰালয় পাহাৰত আণ্ডাৰগ্ৰাউণ্ড হ’ব বিদ্যুৎ পৰিবাহী তাঁৰ ৷ ঐতিহাসিক নৱগ্ৰহ মন্দিৰ পৰিদৰ্শৰ পাছতে মুখ্যমন্ত্ৰী হিমন্ত বিশ্ব শৰ্মাই পৰিদৰ্শন কৰে নৱগ্ৰহ শ্মশান ৷ মৃতকৰ শেষস্থান স্বৰূপ নৱগ্ৰহ শ্মশান পৰিদৰ্শন কৰি মুখ্যমন্ত্ৰী শৰ্মাৰ ৪ কোটি টকাৰ প্ৰকল্প ঘোষণা ৷
উল্লেখ্য যে এই প্ৰকল্পৰ জড়িয়তে পূৰ্বৰ ৫ৰ পৰিবৰ্তে ৭লৈ বৃদ্ধি পাব চিতাৰ সংখ্যা ৷ মৃতক ৰাখিব পৰা স্থানত বৰষুণ নপৰাকে ধৰি শ্মশানৰ দেৱাল, ড্ৰেইনৰ কামত ব্যৱহাৰ হ’ব চৰকাৰী এই ধন ৷ এনেদৰে শনিবাৰে ৰাজ্যৰ মুখ্যমন্ত্ৰী হিমন্ত বিশ্ব শৰ্মাই মহানগৰীৰ দুই স্থান পৰিদৰ্শন কৰি দুই স্থানৰ আগবঢ়াই প্ৰতিশ্ৰুতি ৷ মুখ্যমন্ত্ৰীৰ এই পৰিদৰ্শন স্থলীৰ পৰা আগন্তুক দিনত মহানগৰীৰ হ’ব লগা কেইবাটাও প্ৰকল্প সন্দৰ্ভতো মন্তব্য ৷ য’ত গুৱাহাটী নতুনকৈ নিৰ্মাণ হব ৰবীন্দ্ৰ ভৱন, জিলা পুথিভড়াল, নেহৰু ষ্টেডিয়াম ৷ মুখ্যমন্ত্ৰী শৰ্মাই কৰা এই ঘোষণাসমূহ কাৰ্য্যকৰী হলে নিশ্চয় ন ৰূপত দেখিব পোৱা যাব গুৱাহাটীৰ কেইবাটাও অঞ্চল ৷
