25.8 C
Assam
Thursday, May 26, 2022

Featured News

ডি এচ পি ৰূপে নিযুক্তি লাভ কৰিলে হিমা দাসে

Assamese Newsডি এচ পি ৰূপে নিযুক্তি লাভ কৰিলে হিমা দাসে

ধিং এক্সপ্ৰেছ হিমা দাসক উপ আৰক্ষী অধীক্ষক হিচাপে নিযুক্ত কৰা হয় । আজি মহানগৰীৰ সৰুসজাইত অনুষ্ঠিত হোৱা ৫৯৭ উপ-পৰিদৰ্শকৰ নিযুক্তি পত্ৰ বিতৰণ অনুষ্ঠানত হিমা দাসকো উক্ত পদত নিযুক্ত কৰা হয় । মুখ্যমন্ত্ৰী সৰ্বানন্দ সোণোৱালৰ উপস্থিতিত অনুষ্ঠিত হোৱা এই কাৰ্যসূচীত অসম আৰক্ষীৰ উপ-পৰিদৰ্শক হিচাপে নিযুক্ত হোৱা ৫৯৭ গৰাকী বিষয়াকো আনুষ্ঠানিকভাৱে নিযুক্তি পত্ৰ প্ৰদান কৰা হয় ।

নিযুক্তি লাভ কৰি হিমা দাসে কয় যে মুখ্যমন্ত্ৰীকে ধৰি অসম আৰক্ষীৰ সঞ্চালকপ্ৰধান ভাস্কৰজ্যোতি মহন্তক ধন্যবাদ জ্ঞাপন কৰে । হিমাই কয় যে, “যেতিয়া পৰা মই বিদ্যালয়লৈ গৈছোঁ তেতিয়াৰ পৰাই মোৰ ইচ্ছা আছিল আৰক্ষী হোৱা । আৰু এই ইচ্ছাৰ আঁৰৰ মানুহগৰাকী হৈছে মোৰ মা । কাৰণ আন ছোৱালীয়ে যেতিয়া পুতলা হাতত লৈছিল, মই তেতিয়া পিষ্টল বিচাৰিছিলোঁ । তেতিয়া মোৰ মায়ে কৈছিল যে তোমাৰ যদি পিষ্টলৰ প্ৰতি ইমান হেপাঁহ তেনেহ’লে তুমি আৰক্ষী হোৱা । তেতিয়া তুমি চাকৰিও পাবা আৰু দৰমহাও পাবা । মোক প্ৰদান কৰা এই স্বীকৃতিৰ বাবে আৰু খেলুৱৈক খেলৰ প্ৰতি উৎসাহিত কৰিব । মই বিচাৰোঁ আজি নিযুক্তিপ্ৰাপ্ত উপ-পৰিদৰ্শকসকলৰ অন্তত ১০-১৫জন ভাল খেলুৱৈ জন্ম হওঁক ।”
Source – Niyomiabarta

Check out our other content

Check out other tags:

Most Popular Articles

error: Content is protected !!
eskort
%d bloggers like this: