বহিঃৰাজ্যত মুখ্যমন্ত্ৰী ড০ হিমন্ত বিশ্ব শৰ্মাক চূড়ান্ত অপমান! এইবাৰ যুৱতীৰ ৰূপত উপস্থাপন কৰা হ’ল অসমৰ মুখ্যমন্ত্ৰীগৰাকীক। উল্লেখ্য যে, গৃহমন্ত্রী অমিত শ্বাহক হায়দৰাবাদলৈ স্বাগতম জনাই চহৰখনত অঁৰা হৈছে বিভিন্ন পোষ্টাৰসমূহ ৷
ইয়াৰে ৱাশ্বিং পাউদাৰ নিৰ্মা শীৰ্ষক পোষ্টাৰখনত এগৰাকী যুৱতীৰ ৰূপত উপস্থাপন কৰা হৈছে অসমৰ মুখ্যমন্ত্ৰীক ৷ কেৱল মুখ্যমন্ত্ৰী ড০শৰ্মাই নহয় আন কেইবাগৰাকীও ব্যক্তিক বৃক্ৰিত ৰূপত দেখোৱা হৈছে এই পষ্টাৰখনত। পোষ্টাৰখনত আছে মহাৰাষ্ট্ৰৰ নাৰায়ণ ৰাণে, মধ্যপ্ৰদেশৰ জ্যোতিৰাদিত্য সিন্ধিয়া, পশ্চিমবংগৰ শুভেন্দু অধিকাৰী।
দৰাচলতে হায়দৰাবাদ চহৰখনৰ অলিয়ে-গলিয়ে এই পোষ্টাৰসমূহ আঁৰিছে ভাৰত ৰাষ্ট্ৰ সমিতি চমুকৈ BRSয়ে৷ দিল্লীৰ সুৰা কেলেংকাৰিৰ গোচৰত ৰাজ্যখনৰ মুখ্যমন্ত্ৰী কে চন্দ্ৰশেখৰ ৰাওৰ কন্যা কে কবিতাক EDয়ে চমন জাৰি কৰাৰ প্ৰতিবাদত BRSয়ে হায়দৰাবাদৰ অলিয়ে-গলিয়ে এনেধৰণৰ ৱাশ্বিং পাউদাৰ শীৰ্ষক পোষ্টাৰ আঁৰিছে।
উল্লেখ্য যে দেওবাৰে CISFৰ ৫৪ সংখ্যক ৰেইজিং ডে পেৰেডত অংশ লবৰ বাবে চহৰখনত উপস্থিত হৈছিল কেন্দ্ৰীয় গৃহমন্ত্ৰী অমিত শ্বাহ।
