25.3 C
Assam
Thursday, May 26, 2022

Featured News

কোচ ৰাজবংশীয়ে এতিয়া বন্দুকক ভয় নকৰে

Assamese Newsকোচ ৰাজবংশীয়ে এতিয়া বন্দুকক ভয় নকৰে

কোচ ৰাজবংশীসকলৰ ভূমিত বডোলেণ্ড গঠন কেতিয়াও মানি লোৱা নহ’ব৷ সেয়া বডোলেণ্ড টেৰিটৰিয়েল কাউঞ্চিলে হওক বা বডোলেণ্ড টেৰিটৰিয়েল ৰিজ’নে হওক৷ কোচ ৰাজবংশী যুৱ–ছাত্র সন্মিলনীয়ে বডোলেণ্ডৰ চিৰদিন বিৰোধিতা কৰি যাব৷ –এই মন্তব্য কৰে কোচ ৰাজবংশী যুৱ–ছাত্র সন্মিলনীৰ উপদেষ্টা ত্রিদীপপতি সিংহই৷ বঙাইগাঁৱৰ বৰপাৰা ৰাজহুৱা খেলপথাৰত আজি বিটিআৰৰ পৰা গাঁও কর্তন, কমতাপুৰ স্বায়ত্তশাসিত পৰিষদ গঠন আৰু কোচ ৰাজবংশী জনগোষ্ঠীক জনজাতিৰ মর্যাদা দিয়াৰ দাবীত সদৌ অসম কোচ ৰাজবংশী যুৱ–ছাত্র সন্মিলনীৰ উদ্যোগত এক গণ সমাৱেশ অনুষ্ঠিত হয়৷ সমাৱেশত সিংহই কয়– ‘কোচ ৰাজবংশী জনগোষ্ঠীয়ে এতিয়া বন্দুক দেখি ভয় নকৰে৷ পূর্বতে জনগোষ্ঠীটোৰ লগত বহুতো প্রতাৰণা কৰা হ’ল৷ নিজ মাতৃভূমিতে বিটিচি আৰু শেহতীয়াকৈ বিটিআৰ গঠনৰ নামত জনগোষ্ঠীৰ নিজ অধিকাৰ কাঢ়ি লোৱা হ’ল৷ কিন্তু নিজৰ প্রাপ্য অধিকাৰ ঘূৰাই পোৱাৰ বাবে কোচ ৰাজবংশী জনগোষ্ঠীয়ে এতিয়া কাকো ভয় নকৰা হৈছে৷

কোনোবাই বন্দুক দেখুৱালে জনগোষ্ঠীটো এতিয়া তাৰে প্রত্যুত্তৰ দিবলৈ সাজু আছে৷ প্রতিখন চৰকাৰকে সমালোচনা কৰি তেওঁ কয় যে প্রতিটো চৰকাৰেই কোচ ৰাজবংশী জনগোষ্ঠীটোৰ লগত কেৱল প্রতাৰণা কৰি আহিছে৷ ৰাজ্যত পূর্বৰ কংগ্রেছ চৰকাৰৰ আমোলত বিটিচি গঠন কৰা হৈছিল৷ বিটিচি গঠনৰ ক্ষেত্রত তথা সীমা নির্ধাৰণৰ বিষয়ত মন্ত্রী ডাঃ ভূমিধৰ বর্মনক লৈ তিনিজনীয়া এখন কমিটী গঠন কৰা হৈছিল৷ বিটিচি গঠনৰ বিৰোধিতা কৰি তথা বিটিচিৰ সীমা সন্দর্ভত সদৌ অসম কোচ ৰাজবংশী সন্মিলনীয়ে বহু আপত্তি দর্শাইছিল যদিও কোনো গুৰুত্বই নিদিলে তদানীন্তন কংগ্রেছ দলৰ মন্ত্রী ডাঃ ভূমিধৰ বর্মনে৷ গণ সমাৱেশত আদৰণী ভাষণ প্রদান কৰে সদৌ কোচ ৰাজবংশী যুৱ–ছাত্র সন্মিলনীৰ উত্তৰ শালমাৰা জিলা সমিতিৰ সভাপতি দ্বীপেন ৰায়ে৷ কোচ ৰাজবংশী সংগ্রাম সমিতিৰ সভাপতি অতুল ৰায়েও বক্তব্য আগবঢ়াই কমতাপুৰ স্বায়ত্তশাসিত পৰিষদৰ অন্তর্ৱর্তী পৰিষদখন বিভিন্ন দল–সংগঠনৰ সহমতৰ ভিত্তিত শীঘ্রে গঠন কৰি অঞ্চলটোত উন্নয়নৰ ধাৰা খৰতকীয়া কৰি তোলাৰ বাবে চৰকাৰক গঠনৰ আহ্বান জনায়৷ আক্রাছুৰ প্রতিষ্ঠাপক সম্পাদক হৰমোহন মেধিসহ কেইবাগৰাকী নেতাই ভাষণ প্রদান কৰে৷

Check out our other content

Check out other tags:

Most Popular Articles

error: Content is protected !!
eskort
%d bloggers like this: