পানী মানৱ জীৱনৰ এক গুৰুত্বপূৰ্ণ অংশ। মানৱ শৰীৰৰ ৬৫ ৰ পৰা ৭০ শতাংশ এই পানীৰ দ্বাৰা গঠিত, যাৰ বাবে কোৱা হয় যে ‘পানীয়ে হৈছে প্ৰাণীৰ প্ৰাণ’। প্ৰতিজন স্বাস্থ্য বিশেষজ্ঞই পৰামৰ্শ দিয়ে যে সকলোৱে যথেষ্ট পৰিমাণে পানী খাব লাগে যাতে ডিহাইড্ৰেচনৰ ভুক্তভোগী নহয়। যেতিয়াই শৰীৰত পানীৰ অভাৱ হয়, তেতিয়া মগজুৱে মানুহ এজনক পানী খোৱাৰ সংকেত দিয়ে, যাক তৃষ্ণা অনুভৱ হোৱা বুলিও কোৱা হয়। তৃষ্ণা অথবা পিয়াহ অনুভৱ কৰাটো শৰীৰৰ এক স্বাভাৱিক প্ৰক্ৰিয়া, কিন্তু কিছুমান লোকে হঠাতে বহুত বেছিকৈ পিয়াহ অনুভৱ কৰে। যদি কাৰোবাৰ এনে অভিযোগ আছে, তেনেহ’লে ইয়াক একেবাৰে উপেক্ষা নকৰিব, কিয়নো ই বহুতো গুৰুতৰ ৰোগৰ লক্ষণ হ’ব পাৰে।
~ ডায়েবেটিচ
ডায়েবেটিচ হৈছে এনে এক ৰোগ যিয়ে আজিকালি যিকোনো বয়সৰ লোকক তেওঁলোকৰ ভুক্তভোগী কৰি তুলিছে। কিছুমান ক্ষেত্ৰত, ই আনুবংশিক কাৰণত হয়, কিন্তু ই সাধাৰণতে দুৰ্বল জীৱনশৈলী আৰু অস্বাস্থ্যকৰ খাদ্যাভ্যাসৰ বাবে হয়। ডায়েবেটিচৰ স্থিতিত, তেজত শৰ্কৰাৰ পৰিমাণ বৃদ্ধি হয়, যিটো বৃক্কই সহজে ফিল্টাৰ কৰিব নোৱাৰে আৰু ইয়াৰ ফলত শৰীৰত পানীৰ অভাৱ হয় আৰু পিয়াহ বাৰে বাৰে লগা আৰম্ভ হয়। এনে পৰিস্থিতিত, লগে লগে চিকিৎসকৰ সৈতে যোগাযোগ কৰা প্ৰয়োজন।
~ বদহজম
মানুহে প্ৰায়ে বিয়া, পাৰ্টি বা ঘৰত অত্যাধিক মচলাযুক্ত খাদ্য খায়, যি হজম কৰিবলৈ সময় লাগে। এনে জটিল খাদ্য হজম কৰিবলৈ মানুহৰ শৰীৰক অধিক পানীৰ প্ৰয়োজন, এইবাবে মানুহে এনে সময়ত স্বাভাৱিকতকৈ অধিক বেছি তৃষ্ণাতুৰ অনুভৱ কৰে।
~ উদ্বেগ
বহুসময়ত মানুহৰ মানসিক অৱস্থা সঠিক হা নাথাকে, যাৰ বাবে উদ্বিগ্নতা আৰু অস্থিৰতা বৃদ্ধি হয়, এনে পৰিস্থিতিত মুখখন শুকাবলৈ আৰম্ভ কৰে আৰু তাৰ পিছত অধিক পানী পিয়াহ লাগে। এনে পৰিস্থিতিত, মুখখন প্ৰায়ে শুকান হৈ পৰে আৰু তাৰ পিছত পানীৰ খোৱাৰ পৰিমাণ বেছি হয়।
~ অত্যাধিক ঘাম ওলোৱা
অত্যাধিক ঘাম ওলোৱাটো গ্ৰীষ্মকালত স্বাভাৱিক যদিও ঘাম ওলোৱাটো সচৰাচৰ হোৱা প্ৰক্ৰিয়াৰ বিপৰীতেন যেতিয়া শীত বা স্বাভাৱিক বতৰত এয়া বেছিকৈ হয়, তেতিয়া ই শৰীৰৰ বহুতো ৰোগ হোৱাৰ লক্ষণ হ’ব পাৰে। ইয়াৰ বাবে, মানুহে অধিক তৃষ্ণাতুৰ অনুভৱ কৰা আৰম্ভ কৰে।
বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত
