শীতকালত মানুহৰ খাদ্য খোৱাৰ প্ৰৱণতা অধিক বৃদ্ধি পাই। এই খাদ্য সামগ্ৰী বোৰৰ অন্যতম হৈছে কণী। শীতকালত সৰহসংখ্যক লোকে বেছিকৈ কণী খায়। কিন্তু সকলোৱে জনাটো উচিত যে, এজন মানুহে প্ৰয়োজনতকৈ অধিক কণী খালে বহুটো সমস্যা হ’ব পাৰে। কণীত দুটা অংশ থাকে। এটা অংশ সম্পূৰ্ণ বগা। আনহাতে, দ্বিতীয় অংশটো মাজৰ হালধীয়া ৰঙৰ, যাক কুহুম বুলি কোৱা হয়। কণীৰ দুয়োটা অংশৰ লাভালাভ বেলেগ। এনে পৰিস্থিতিত, এইটো জনা উচিত যে ইয়াৰ কেতিয়া কোনটো অংশ খোৱা উচিত।
কণীৰ বগা অংশত কেৱল প্ৰ’টিন থাকে। এইকাৰণেই জিমলৈ যোৱা বা ব্যায়াম কৰা মানুহে এই অংশটো খায়। কণী এটাৰ বগা অংশৰ পৰা ৪ পৰা ৫ গ্ৰাম প্ৰ’টিন পোৱা যায়। আনহাতে, হালধীয়া অৰ্থাৎ কুহুমৰ অংশ খোৱাৰ সময়ত, ৬ গ্ৰাম চৰ্বি আৰু প্ৰায় ১ গ্ৰাম প্ৰ’টিন পোৱা যায়। ইয়াৰ অৰ্থ হৈছে যে যদি এটা সম্পূৰ্ণ কণী খোৱা হয় তেতিয়া মানুহে ৫ ৰ পৰা ৬ গ্ৰাম প্ৰ’টিন আৰু ৫ গ্ৰাম চৰ্বি লাভ কৰে। এটা হালধীয়া অংশত ৯৫ মিগ্ৰা কলেষ্টেৰল থাকে। স্বাস্থ্যৱান শৰীৰৰ বাবে, দৈনিক ২০০ মিগ্ৰা কলেষ্টেৰল গ্ৰহণ কৰিব লাগে। এনে ক্ষেত্ৰত, যদি কোনোবাই দৈনিক ৫ টা কণী খায়, তেন্তে শৰীৰত ৪৭৫ মিগ্ৰা কলেষ্টেৰল পাব। যিটো দৈনিক পৰিমাণৰ দুগুণতকৈও অধিক।
যদি এনেদৰে কোনোবাই প্ৰতিদিনে ৫ টা এনে কণী খাই থাকে, তেন্তে কেইদিনমানৰ ভিতৰত মানুহজনৰ কলেষ্টেৰলৰ সংখ্যা যথেষ্ট বৃদ্ধি হ’ব। ইয়াৰ ফলত বহু প্ৰকাৰৰ ৰোগত আক্রান্ত হ’ব পাৰে। যি মুখ্যতঃ হৃদযন্ত্ৰক প্ৰভাৱিত কৰে।
বিশেষজ্ঞসকলৰ মতে, এটা কণী বা দুটাতকৈ অধিক কণী খাই ভাল পোৱা লোকসকলে হালধীয়া অংশটো আঁতৰাই দৈনিক ৪ ৰ পৰা ৫ টা কণী খাব পাৰে, কিন্তু হালধীয়া অংশৰ সৈতে দুটাতকৈ অধিক কণী খোৱাৰ ফলত মানুহৰ বহুতো ৰোগ হোৱাৰ আশংকা থাকে।
