16.9 C
Assam
Friday, December 2, 2022

Featured News

Assam Police arrest three persons in Nagaon, recover 7.65mm pistol, brown sugar

Assam Police arrested three persons and recovered...

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

15-year-old government vehicles will be scrapped: Nitin Gadkari

Union minister Nitin Gadkari today (November 25)...

মেথিৰে সৌন্দর্য চর্চা !

Assamese Newsমেথিৰে সৌন্দর্য চর্চা !

আমি প্রায় সকলো লোকেই ঘৰত মেথি ব্যৱহাৰ কৰোঁ ৷ মেথি পাতৰ লগতে তাৰ গুটিও আমি খাওঁ ৷ মেথিৰ বহুতো ঔষধি গুণ আছে ৷ আমি মেথি খোৱাৰ উপৰি আমাৰ ছাল, চুলি অর্থাৎ সৌন্দর্য চর্চাতো ব্যৱহাৰ কৰিব পাৰোঁ ৷

ইয়াক কি কি ধৰণেৰে ব্যৱহাৰ কৰিব পাৰি জানো আহক ৷

  • মেথি শাক এক মুঠি ধুই মিহিকৈ পিচিব ৷ এটা বাটিত উলিয়াই লব ৷ যদি আপোনাৰ ছালখন শুকান হয় তেন্তে তাৰ লগত এক চামুচ মৌ মিহলাই মুখত লগাব ৷ এটা কথা মন কৰিব সদায় ছালখন পৰিষ্কাৰ কৰিহে যিকোনো পেক ব্যৱহাৰ কৰিব ৷ দহ মিনিট ৰখাৰ পিছত ঠাণ্ডা পানীৰে ধুই পেলাব ৷ মুখৰ দাগ আৰু শুকান ভাৱ আঁতৰ হব ৷ পৰাপক্ষত সপ্তাহত দুই দিন বা তিনি দিন লগাব পাৰিলে ভাল ৷

দুই চামুচ মেথি পাউডাৰ, দুই চামুচ মূলটানী মাটি, দুই চামুচ দৈ, এক চামুচ নাৰিকল তেল আৰু প্রয়োজন অনুযায়ী পানী মিহলাই চুলিৰ গুৰিত লগালে চুলিৰ গঠন ভাল হয় ৷

এক চামুচ মেথি পাউডাৰ, প্রয়োজন অনুযায়ী পানী মিহলাই মুখত দহ মিনিটৰ কাৰণে লগাই ঠাণ্ডা পানীৰে ধুই পেলাব ৷  শুকান ভাৱ নোহোৱা হয় ৷

মেথি গুটি এক মুঠি ভালকৈ ধুই পৰিষ্কাৰ পানীত তিয়াই থব ৷ কোমল হলে মিহিকৈ পিচি চুলিৰ গুৰিত লগাব ৷ আধা ঘণ্ঢা মান ৰাখি ধুই পেলাব ৷ হয়ে উফিৰ সমস্যা দূৰ কৰিব আৰু কণ্ডিচনাৰৰ কাম কৰিব ৷ এই পেষ্ট পৰিষ্কাৰ চুলিতহে ব্যৱহাৰ কৰিব ৷

প্রয়োজন অনুসৰি মেথি গুটি তিয়াই কোমল কৰি পেষ্ট বনাই লব ৷ তাৰ লগত দৈ আৰু মৌ মিহলাই মুখত দহ মিনিট লগাই পৰিষ্কাৰ পানীৰে ধুই পেলাব ৷ হয়ে ছালখন কোমল কৰিব আৰু উজ্জ্বলতা আনিব ৷

মেথি গুটি তিয়াই থোৱা পানীখিনি পেলাই নিদি চুলিৰ গুৰিত লগাই দহ মিনিট মান সময় লাহে লাহে মালিচ কৰি আধা ঘণ্ঢাৰ পিছত ধুই পেলাব ৷

দুহ বা তিনি চামুচ মেথি তিয়াই কোমল কৰি ভালকৈ পেষ্ট বনাই তাৰ লগত এক চামুচ দৈ মিহলাই মুখ আৰু ডিঙিত লগাই দহ মিনিট ৰাখি ধুই পেলাব ৷ ইয়াক এণ্টিএইজিং পেক হিচাপে ব্যৱহাৰ কৰিব পাৰে ৷ সপ্তাহত তিনি বা চাৰি দিন লগালে সুফল পাব ৷

কেৱল তাৰ পাত পিচিও মুখত লগাব পাৰে ৷ এনেকৈ সপ্তাহত চাৰি দিন মান লগাব ৷

মেথিৰ গুটি ভালকৈ কোমল কৰি পিচি তাৰ লগত সামান্য মৌ মিহলাহ শালমইনা হোৱা ঠাইখিনিত লগাই শুকালে কুহুমীয়া পানীৰে ধুই পেলাব ৷

এতিয়াৰ পৰা মেথি খোৱাৰ উপৰি এনেকৈ সৌন্দর্য চর্চাত ব্যৱহাৰ কৰি চাব পাৰে ৷

গীতাশ্রী গগৈ হাতীবৰুৱা

Check out our other content

Check out other tags:

Most Popular Articles

error: Content is protected !!
%d bloggers like this: