” দূৰ্নীতি বিৰোধী যুৱ শক্তি , অসমৰ ” য়ে প্ৰতি বছৰে ৯ ডিচেম্বৰ দিনটোত পালন কৰি অহা আন্ত:ৰাষ্ট্ৰীয় দূৰ্নীতি বিৰোধী দিৱসৰ লগত সংগতি ৰাখি বিভিন্ন জনে নিজৰ কৰ্মক্ষেত্ৰত সামাজিক দায়বদ্ধতা , নিষ্ঠা , সমাজহিতৈষী মনোভাৱৰ বাবে সামাজিক কৃৰ্তজ্ঞতা স্বৰূপে ৰাজ্যিক আৰু জিলা ভিত্তিত আন্ত:ৰাষ্ট্ৰীয় দূৰ্নীতি বিৰোধী বিশেষ বঁটা প্ৰদান কৰি আহিছে । ইয়াৰ অংশ স্বৰূপে কৰ্মৰ প্ৰতি দায়বদ্ধতা , শূণ্যসহনশীলত নীতি তথা আপোচহীন স্থিতিৰে সামাজিক ব্যাধিস্বৰূপ দূৰ্নীতিৰ বিৰুদ্ধে সৱল পদক্ষেপ গ্ৰহণ কৰা নাজিৰা আদৰ্শ আৰক্ষী থানাৰ ভাৰপ্ৰাপ্ত বিষয়া ভৱেন দাসক ” জিলা ভিত্তিত আন্ত:ৰাষ্ট্ৰীয় বঁটা আগবঢ়ায় । উক্ত দিনা কৰ্মক্ষেত্ৰত ব্যস্থতাৰ বাবে দাসে অনুষ্ঠানত উপস্থিত থাকিব নোৱাৰাৰ হেতুকে আজি নাজিৰা আদৰ্শ আৰক্ষী থানাৰ কক্ষত সংগঠনটোৱে ভাৰপ্ৰাপ্ত আৰক্ষী বিষয়া গৰাকীক এই বঁটা প্ৰদান কৰে । ” দূৰ্নীতি বিৰোধী যুৱ শক্তি , অসম ” ৰ কৰ্মকৰী সভাপতি বাবুল বৰুৱা , শিৱসাগৰ জিলা সমিতিৰ সাধাৰণ সম্পাদক সুনিল গগৈ , নাজিৰা আঞ্চলিক সমিতিৰ সম্পাদক বিতুল গগৈ , সহকাৰী সম্পাদক বসন্ত গগৈকে ধৰি ভালেকেইজন বিষয় – ববীয়াৰ উপস্থিতিত ভাৰপ্ৰাপ্ত আৰক্ষী বিষয়া ভৱেন দাসক এই বঁটা প্ৰদান কৰে ।
নাজিৰাৰ পৰা ৰঞ্জিত সভাপণ্ডিত ৰিপ’ৰ্ট
