25.5 C
Assam
Wednesday, February 8, 2023

Featured News

গুৱাহাটী মহানগৰীত ভয়ংকৰ প্ৰদূষণ; মহানগৰবাসীৰ বৃদ্ধি পাইছে শ্বাহ – প্ৰশ্বাস জনিত বেমাৰ!

দক্ষিণ-পূৰ্ব এছিয়াৰ দুৱাৰমুখ স্বৰূপ গুৱাহাটী মহানগৰীত ভয়ংকৰ প্ৰদূষণ ৷ দিনক দিনে...

মহানগৰীত পুনৰ সংঘটিত জঘন্য ধৰ্ষণকাণ্ড,ধৰ্ষণৰ বলি ১৩ বছৰীয়া কিশোৰী

বাল্য বিবাহৰ বিৰুদ্ধে ৰাজ্য চৰকাৰে কঠোৰ পদক্ষেপ লৈ থকাৰ...

মহা শিৱৰাত্ৰিত নলবাৰীত মুকলি হ’ব ৯১ ফুট উচ্চতাৰ মহাদেৱৰ মূৰ্তি!

মহাশিৱৰাত্ৰিৰ দিনটোতে নলবাৰীত ৰাইজৰ বাবে মুকলি হ’ব...

কলিয়াবৰ পূবথৰীয়াৰ পৰম বৈষ্ণৱ অনন্তৰাম বৰাৰ পৰলোকপ্ৰাপ্তি,অঞ্চলত শোক

Assamese Newsকলিয়াবৰ পূবথৰীয়াৰ পৰম বৈষ্ণৱ অনন্তৰাম বৰাৰ পৰলোকপ্ৰাপ্তি,অঞ্চলত শোক

নিউজ ব্যুৰ’,নগাঁও,১৮ জানুৱাৰী:– নগাঁও জিলাৰ কলিয়াবৰ পূৱথৰীয়া নিবাসী পৰম বৈষ্ণৱ অনন্তৰাম বৰা(৬১)ৰ আজি নিশা পৰলোকপ্ৰাপ্তি ঘটে । অত্যন্ত বিনয়ী আৰু মাৰ্জিত স্বভাৱৰ বৰা দীৰ্ঘদিন ধৰি ৰোগাক্ৰান্ত ২০২২ চনৰ এপ্ৰিল মাহত তেজপুৰ এন চি চি কাৰ্যালয়ৰ পৰা উচ্চ বৰ্গৰ সহায়ক হিচাপে অৱসৰ গ্ৰহণ কৰিছিল। সৰুৰে পৰা মহাপুৰুষ শ্ৰীমন্ত শংকৰদেৱৰ নীতি আদৰ্শৰে অনুপ্ৰাণিত হোৱা বৰাই জীৱন কালত পূৱথৰীয়া অঞ্চলৰ বিভিন্ন অনুষ্ঠান-প্ৰতিষ্ঠানৰ লগত জড়িত থকাৰ সমান্তৰালকৈ কলিয়াবৰ মহকুমা আৰু নগাঁও জিলাৰো বিভিন্ন অনুষ্ঠানৰ লগত ওতঃপ্ৰোতভাৱে জড়িত আছিল। ১৯৬২ চনত প্ৰয়াত হলধৰ বৰাৰ ঔৰসত আৰু তৰামাই বৰাৰ গৰ্ভত জন্মগ্ৰহণ কৰা বৰাই প্ৰাথমিক আৰু মাধ্যমিক শিক্ষা কলিয়াবৰতে গ্ৰহণ কৰি নগাঁও মহাবিদ্যালয়ৰ পৰা উচ্চ শিক্ষা গ্ৰহণৰে ১৯৮১ চনত নগাঁও জিলা সংমণ্ডলৰ শিক্ষা বিষয়াৰ কাৰ্যালয়ত নিযুক্তি লাভ কৰে। পৰৱৰ্তী সময়ত পূৰ্বৰ চাকৰি ইস্তফা দি ১৯৮৮ চনত নগাঁও জিলা ক্ৰীড়া আৰু যুৱ কল্যাণ বিভাগত নিযুক্তি লাভ কৰে । পুনৰ ক্ৰীড়া আৰু যুৱ কল্যাণ বিভাগৰ চাকৰিও ইস্তফা দি ২০০৯ চনত গুৱাহাটীৰ ৫০ অসম এ আৰ স্কোৱাড এন চি চিত উচ্চ বৰ্গৰ সহায়ক হিচাপে নিযুক্তি লাভ কৰি একেটা বিভাগত থাকি তেজপুৰৰ কাৰ্যালয়ৰ পৰা অৱসৰ গ্ৰহণ কৰে। অত্যন্ত মেধা সম্পন্ন ব্যক্তি বৰাই কলিয়াবৰ অঞ্চলত এটা সাংস্কৃতিক,বৌদ্ধিক আৰু ধৰ্মীয় ভেটি গঢ়াত গুৰুত্বপূৰ্ণ ভূমিকা পালন কৰিছিল । খোল বাদন,নাম প্ৰসংগ,বৰগীত পৰিবেশন, ভাগৱত ব্যাখ্যা,ভাওনা প্ৰদৰ্শনকে ধৰি বিভিন্ন সাংস্কৃতিক দিশত আগৰণুৱা বৰাই নিজে উদ্যোগ লৈ অঞ্চলটোৰ নতুন প্ৰজন্মক গুৰুজনাৰ নীতি আদৰ্শৰে দীক্ষিত কৰাৰ প্ৰয়াস কৰাৰ সমান্তৰালকৈ বিবাহ আচাৰ্য আৰু নামাচাৰ্য হিচাপে সমগ্ৰ জিলাখনতে এক সুকীয়া আসন লাভ কৰিছিল। অসমৰ জাতীয় জীৱনৰ এক গুৰুত্বপূৰ্ণ অনুষ্ঠান শ্ৰীমন্ত শংকৰদেৱ সংঘৰ লগত নিবিড়ভাৱে জড়িত থকা বৰা দীৰ্ঘদিন ধৰি অনুষ্ঠানটোৰ কেন্দ্ৰীয় হিচাপ পৰীক্ষক হিচাপে নিযুক্ত আছিল । তাৰোপৰি কলিয়াবৰ জিলা শ্ৰীমন্ত শংকৰদেৱ সংঘৰ হিচাপ পৰীক্ষক,ওপৰ পূৱথৰীয়া বুঢ়া নামঘৰৰ পৰিচালনা সমিতিৰ সম্পাদক,বঢ়াৰ পো প্ৰাথমিকৰ সভাপতি,২০১২ চনত কলিয়াবৰত অনুষ্ঠিত শ্ৰীমন্ত শংকৰদেৱ সংঘৰ বাৰ্ষিক অধিবেশনৰ মূল বিষয়বাবত থকা বৰাই পৰলোকপ্ৰাপ্তিৰ সময়ত মাতৃৰ উপৰি পত্নী,পুত্ৰ,কন্যাৰ লগতে অনেক গুণমুগ্ধক ইহসংসাৰত এৰি থৈ যায় । উল্লেখ্য যে প্ৰয়াত বৰা সমালোচক,কবি কুমাৰ বিভূতিৰ শহুৰ । বৰাৰ বিয়োগৰ খবৰত মৰ্মাহত হৈ শ্ৰীমন্ত শংকৰদেৱ সংঘৰ প্ৰাক্তন সম্পাদক হৰিপ্ৰসাদ হাজৰিকা,বিশিষ্ট চিকিৎসক ডাঃ হেমন্ত কুমাৰ গোস্বামী,একালৰ সহপাঠী শেৱালী বৰা,ভোগেশ্বৰ শ‌ইকীয়াকে ধৰি বিভিন্ন ব্যক্তি,দল,সংগঠন,অনুষ্ঠান- প্ৰতিষ্ঠানৰ মুৰব্বীয়ে শোকসন্তপ্ত পৰিয়ালবৰ্গলৈ সমবেদনা জ্ঞাপন কৰাৰ লগতে প্ৰয়াত বৈষ্ণৱ গৰাকীৰ প্ৰতি গভীৰ শ্ৰদ্ধাঞ্জলি নিবেদন কৰে । বৰাৰ মৃত্যুত অঞ্চলজুৰি শোকৰ ছাঁ পৰিছে ।

ঋতু পৰ্ণ শৰ্মা,নগাঁও

Check out our other content

Check out other tags:

Most Popular Articles

error: Content is protected !!