24.7 C
Assam
Monday, November 28, 2022

Featured News

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

15-year-old government vehicles will be scrapped: Nitin Gadkari

Union minister Nitin Gadkari today (November 25)...

কেঁচা পনীৰ খালে হয় এই চাৰিটা লাভ, নিয়ন্ত্ৰণত থাকে ওজন!

পনীৰ ভাৰতীয়সকলৰ প্ৰিয় ব্যঞ্জনবোৰৰ ভিতৰত অন্যতম। পনীৰ...

দলবদ্ধ ধৰ্ষণকাণ্ডৰ অভিযুক্তক গ্ৰেপ্তাৰ দাবীত উত্তাল ডিব্ৰুগড়

Assamese Newsদলবদ্ধ ধৰ্ষণকাণ্ডৰ অভিযুক্তক গ্ৰেপ্তাৰ দাবীত উত্তাল ডিব্ৰুগড়

ডিব্ৰুগড়ত দলবদ্ধ ধৰ্ষণকাণ্ড সংঘটিত কৰা তিনি অভিযুক্তক গ্ৰেপ্তাৰৰ দাবীত ডিব্ৰুগড়ত শিক্ষাৰ্থী-ৰাইজৰ প্ৰতিবাদ । কলেজলৈ যোৱাৰ পথত লেজাই দেৱানবাৰীৰ এগৰাকী ছাত্ৰীক ধৰ্ষণ কৰাৰ পিছতে ব্লেকমেইল কৰাৰ লগতে ভাইৰেল কৰিছিল ছাত্ৰী গৰাকীৰ উলংগ ফটো । কিছুদিনৰ পূৰ্বে এজন অভিযুক্তক আৰক্ষীয়ে গ্ৰেপ্তাৰ কৰিছিল যদিও আন দুই অভিযুক্তক ৰক্ষণাবেক্ষণ দিয়া অভিযোগ তুলিছে একাংশ লোকে ৷

অভিযোগ মতে, বৰবৰুৱা আৰক্ষীয়ে আৰিয়ান দাস নামৰ অভিযুক্তক গ্ৰেপ্তাৰ কৰিছে যদিও ব্লেকমেইলাৰ তথা অ’ এন জি চিৰ কৰ্মচাৰী দেৱজিত দাস আৰু পবিত্ৰ হাজৰিকা নামৰ আন দুই অভিযুক্তক ৰক্ষণাবেক্ষণ দিছে আৰক্ষীয়ে । ইয়াৰ পৰিপেক্ষিততে শনিবাৰে আছুৰ নেতৃত্বত ছাত্ৰ-ছাত্ৰী আৰু স্থানীয় ৰাইজে ঘেৰাও কৰে ডিব্ৰুগড় জিলাৰ উপায়ুক্ত কাৰ্যালয় ।

প্ৰতিবাদকাৰী সকলে উপায়ুক্ত কাৰ্যালয়ৰ সমীপৰ মানকটা পথ অৱৰোধ কৰি দোষীক গ্ৰেপ্তাৰ কৰিব নোৱাৰাক লৈ আৰক্ষী-প্ৰশাসকন কঠোৰ ভাষাৰে সমালোচনা কৰে। চোৰ-ডকাইতক এনকাউন্টাৰ কৰি বাঃ বাঃ লোৱা চৰকাৰখনে ধৰ্ষণকাৰীৰ বিৰুদ্ধে ৰহস্যজনক ভূমিকা গ্ৰহণৰ অভিযোগ উত্থাপন কৰিছে প্ৰতিবাদকাৰীয়ে ৷ প্ৰতিবাদী কাৰ্যসূচী অংশ গ্ৰহণ কৰা লোক সকলে সদৰী কৰা মতে, অভিযুক্তই মুক্ত আকাশৰ তলত কোনো ভয়-সংশয় নকৰাকৈয়ে ঘূৰি ফুৰিছে যদিও কৰায়ত্ব কৰিবলৈ সক্ষম হোৱা নাই আৰক্ষীয়ে ৷

তদুপৰি অভিযুক্তক অগ্ৰিম জামিন প্ৰদানত সুযোগ দিয়াৰো অভিযোগ উঠিছে তদন্তকাৰী আৰক্ষী বিষয়াৰ বিৰুদ্ধে ৷ এনে ক্ষেত্ৰত প্ৰতিবাদকাৰী সকলে জিলা উপায়ুক্তক স্মাৰকপত্ৰ প্ৰদান কৰি দোষীক উচিত শাস্তি প্ৰদান দাবী উত্থাপন কৰিছে ৷

Check out our other content

Check out other tags:

Most Popular Articles

error: Content is protected !!
%d bloggers like this: