দিল্লীৰ শ্ৰদ্ধাকাণ্ডৰ দৰে গুৱাহাটীত সংটিত হোৱা হত্যাকাণ্ড সন্দৰ্ভত মহানগৰ আৰক্ষী আয়ুক্ত দিগন্ত বৰাৰ সংবাদমেল (Shraddha murder repeat in Guwahati) ৷ সংবাদমেলত কি দৰে বন্দনা কলিতাই স্বামী আৰু শাহুৱেকক হত্যা কৰিছিল তাৰ বৰ্ণনা দিলে আৰক্ষী আয়ুক্তগৰাকীয়ে ৷ উল্লেখ্য যে , 7 মাহ পূৰ্বেই বন্দনা কলিতাই আন দুই সহযোগীৰ সৈতে লগ লাগি নিজৰ স্বামী আৰু শাহুৱেকক হত্যা কৰি টুকুৰা-টুকুৰকৈ কাটি পেলাই দিছিল মেঘালয়ৰ ডাউকীত (Woman killed husband and mother in law) ৷
ইফালে, বন্দনা কলিতাক সোমবাৰে প্ৰেৰণ কৰা হয় চাৰিদিনৰ আৰক্ষীৰ জিম্মালৈ ৷ সমগ্ৰ ঘটনা সন্দৰ্ভত সংবাদমেলত সম্বোধন কৰি আৰক্ষী আয়ুক্তগৰাকীয়ে কয়, ‘‘7 মাহ পূৰ্বে স্বামী আৰু শাহুৱেকক হত্যা কৰিছিল বন্দনা কলিতাই (Bandana Kalita) । কাটি টুকুৰা-টুকুৰ কৰি মৃতদেহ পেলাই দিছিল মেঘালয়ৰ পাহাৰৰ তলত ।’’ ইতিমধ্যেই সমগ্ৰ ঘটনাৰ মূল অভিযুক্তসহ মুঠ তিনিজনক গ্ৰেপ্তাৰ কৰিছে আৰক্ষীয়ে ৷
লগতে তেওঁ কয়, ‘‘2022 বৰ্ষৰ 26 জুলাইত বন্দনা কলিতাই বন্ধু অৰূপৰ সৈতে মিলি চানমাৰিত থকা শাহু শংকৰী দে’ক গাৰুৰে মুখত সোপা দি হত্যা কৰিছিল ৷ শাহুৱেকক হত্যা কৰা পাচত মৃতদেহ তিনিটা টুকুৰা কৰি ধনটি ডেকা নামৰ আন এজন যুৱকৰ বাহনত ভৰাই শ্বিলং-চেৰাপুঞ্জী পথৰ পাহাৰৰ পৰা 60 ফুট তললৈ দলিয়াই দিছিল । এই ঘটনাৰ পাচত 17 আগষ্টত স্বামী অমৰজ্যোতি দে’ক বন্ধু অৰূপ আৰু ধনটিৰ সৈতে মিলি ৰডেৰে মৰিয়াই মৰিয়াই হত্যা কৰে (Brutal murder in Guwahati) ৷’’
উল্লেখ্য যে, স্বামী অমৰজ্যোতি দে’ৰ মৃতদেহো কাটি পাঁচটা টুকুৰা কৰি একেখন বাহনেৰে পেলাই থৈ আহিছিল মেঘালয়ৰ পাহাৰৰ তলত (Husband killed by wife in Guwahati) ৷ এই কথাও সংবাদমেলত সদৰী কৰে মহানগৰ আৰক্ষীৰ আয়ুক্তগৰাকীয়ে ৷ স্বামী আৰু শাহুৱেকৰ মৃতদেহ নিৰ্দিষ্ট স্থানত পেলাই দিয়াৰ পাচত 29 আগষ্টত নুনমাটি থানাত স্বামী অমৰজ্যোতি দে’ আৰু শাহুৱেক শংকৰী দে’ নিৰুদ্দেশ হোৱা বুলি এজাহাৰ দাখিল কৰে বন্দনাই ৷ এজাহাৰৰ পাচতেই নুনমাটি থানাই অনুসন্ধান আৰম্ভ কৰিছিল যদিও লাভ কৰা নাছিল কোনো শুংসূত্ৰ ৷
পুনৰ এই নিৰুদ্দেশৰ ঘটনা সন্দৰ্ভত এজাহাৰ দাখিল কৰে অমৰজ্যোতি দে’ আৰু শংকৰী দে’ৰ ভতিজাক নিৰ্মাল্য দে’য়ে ৷ লগতে CIDৰ কাৰ্যালয়লৈ গৈ ঘটনাৰ পুনৰীক্ষণৰ বাবে আবেদন জনায় ৷ ইয়াৰ পাচতেই CID য়ে সমগ্ৰ ঘটনা সন্দৰ্ভত SIT গঠন কৰি পুনৰ আৰম্ভ কৰে তদন্ত ৷ তদন্তকাৰী বিষয়াই বন্দনা কলিতা আৰু নিৰ্মাল্য দে‘ক মাতি আনি সোধ-পোচ আৰম্ভ কৰে (Horrific Double Murder In Guwahati) ৷
আৰক্ষীৰ জেৰাত বন্দনা কলিতাই নিজ মুখেৰে দুয়োটা হত্যাকাণ্ড সংঘটিত কৰা বুলি স্বীকাৰ কৰে ৷ বন্দনাৰ স্বীকাৰোক্তিৰ পাচতেই হত্যাকাণ্ডত সহযোগ কৰা ধনটি ডেকা আৰু অৰূপ ডেকাক গ্ৰেপ্তাৰ কৰে আৰক্ষীয়ে ৷ লগতে আৰক্ষীয়ে উদ্ধাৰ কৰে হত্যাকাণ্ডত ব্যৱহাৰ কৰা সামগ্ৰী আৰু মৃতদেহ পেলাবলৈ ব্যৱহাৰ কৰা বাহনখন (Sensational murder in Guwahati) ৷
দেওবাৰে পুৱা তিনি হত্যাকাৰীক লগত লৈ আৰক্ষীয়ে মেঘালয়ত অনুসন্ধান চলাই শাহুৱেক শংকৰী দে’ৰ মৃতদেহ উদ্ধাৰ কৰে ৷ কিন্তু বৰ্তমানেও উদ্ধাৰ কৰিবলৈ সক্ষম হোৱা নাই অমৰজ্যোতি দে’ৰ মৃতদেহ ৷ অৱশ্যে এই হত্যাকাণ্ড সম্পত্তিৰ বাবে নে আন কোনো কাৰণত সংঘটিত কৰা হৈছিল সেই সন্দৰ্ভত তদন্ত অব্যাহত ৰখা বুলি সদৰী কৰিছে আৰক্ষী আয়ুক্তগৰাকীয়ে ৷
