16.1 C
Assam
Wednesday, December 7, 2022

Featured News

টোপনি ওজন বঢ়াৰ কাৰণ

Assamese Newsটোপনি ওজন বঢ়াৰ কাৰণ

মেদ বাঢ়ি অহা
টোপনিৰ পৰিমাণ কম হোৱাটোৱে ওজন বৃদ্ধিৰ মুখ্য কাৰণ৷ আচলতে সুনিদ্রাৰ অভাৱত ভোক নিয়ন্ত্রণ কৰা হৰমোনৰ ওপৰত প্রভাৱ পৰে৷ ফলস্বৰূপে অতি বেছি ভোক লাগে আৰু অধিক মাত্রাত কেলৰি গ্রহণ কৰিবলগীয়া হয়, যি ওজন বঢ়াৰ কাৰণ হৈ পৰে৷

স্মৃতি শক্তি দুর্বল হৈ অহা
টোপনিৰ অভাৱত মস্তিষ্কৰ ক্রিয়া–কলাপৰ ওপৰতো বিৰূপ প্রভাৱ পৰে৷ দীর্ঘদিনলৈ এনে স্থিতি হৈ থাকিলে স্মৃতি শক্তি দুর্বল হৈ আহে আৰু পৰৱর্তী সময়ত এই সমস্যাৰ সমাধান কৰাৰ ক্ষমতাও কমি আহে৷

হূদয় সম্বন্ধীয় ৰোগ বৃদ্ধি
সাত–আঠ ঘণ্টাতকৈ কম টোপনি হোৱাসকলৰ হূদয় সম্বন্ধীয় সমস্যা বাঢ়ি আহে৷ ষ্ট্রোকৰ সম্ভাৱনাই দেখা দিয়ে৷ চিন্তা, উদ্বিগ্ণতা বাঢ়ে যিয়ে এই সমস্যা আৰু বেছি বঢ়াই তোলে৷

এনে উপায় লাভদায়ক
টোপনি কম হ’লে বিভিন্ন ৰোগৰ উপদ্রৱ বাঢ়ে৷ ই সঁচাকৈয়ে এটা ডাঙৰ সমস্যা৷ পিছে নিজৰ জীৱনশৈলী আৰু খোৱা–বোৱালৈ অলপমান পৰিৱর্তন আনি এই সমস্যা লাঘৱ কৰিব পৰা যায়৷

নিয়মীয়াকৈ ব্যায়াম কৰক
প্রতিদিনে অলপমান ব্যায়াম আৰু প্রাণায়ামৰ অভ্যাসে আমাৰ টোপনিৰ ক্ষেত্রত সু–প্রভাৱ পেলাব পাৰে৷ দিনটোত আধা বা এঘণ্টা ব্যায়াম কৰাৰ ফলত উদ্বিগ্ণতা কমি আহে৷ লগতে ই শাৰীৰিক আৰু মানসিক স্বাস্থ্যও ৰক্ষা কৰে৷

নিশাৰ আহাৰ পাতলীয়া হ’ব লাগে
নিশাৰ আহাৰ সদায় শোৱাৰ দুঘণ্টা অথবা তিনি ঘণ্টাৰ পূর্বে গ্রহণ কৰা উচিত আৰু পাতলীয়া আহাৰ খোৱা প্রয়োজন৷ এই কথালৈ ধ্যান ৰাখিলে খাদ্য সোনকালে হজম হয় আৰু গেছট্রিকৰ সমস্যাও নহয়৷ যাৰ ফলত টোপনি ভাল হয়৷ ইয়াৰ বিপৰীতে যদি আপুনি গধুৰ আহাৰ কৰে তেতিয়া হজম হ’বলৈ সময় লাগিব আৰু হজম নোহোৱাৰ ফলত ওজন বঢ়া আৰম্ভ হ’ব৷

ম’বাইলৰ পৰা আঁতৰত থাকিব
নিশা শুবৰ সময়ত বিশেষকৈ আন্ধাৰত ম’বাইল ব্যৱহাৰ নকৰিব কাৰণ এনে কৰিলে চকুহালে কষ্ট পায় আৰু টোপনিত বিজুতিও ঘটে।

ডাঃ ৰীণা দেৱী

Check out our other content

Check out other tags:

Most Popular Articles

error: Content is protected !!
%d bloggers like this: