আজি বিশ্ব বন্যপ্ৰাণী দিৱস ৷ এক ব্যতিক্ৰমী কাৰ্যসূচী অভয়াপুৰী মহাবিদ্যালয়ৰ ছাত্ৰ-ছাত্ৰীসকলে আজি পালন কৰে বিশ্ব বন্যপ্ৰাণী দিৱস ৷ পুৱাৰ পৰাই টুলুঙীয়া টাৰ্ণিংত সোণালী বান্দৰ ৰক্ষাৰ প্ৰতি সজাগতা অনাৰ বাবে সোণালী বান্দৰৰ বসতিস্থল কাকৈজানাৰ মাজেৰে যোৱা প্ৰতিখন বাহনত সচেতনামূলক ষ্টিকাৰ মাৰে ৷ উল্লেখ্য বিগত দুমাহত দুটাকৈ আপুৰুগীয়া সোণালী বান্দৰৰ দ্ৰুতবেগী বাহনৰ খুন্দাত মৃত্যু হৈছিল ৷ তাৰ পিছতে আজি অভয়াপুৰী মহাবিদ্যালয় ৰাষ্ট্ৰীয় সেৱা যোজনা গোট আৰু প্ৰকৃতিপ্ৰেমী সংগঠন আৰণ্যকে এই ব্যতিক্ৰমী পদক্ষেপ গ্ৰহণ কৰে ৷
