16.6 C
Assam
Tuesday, November 29, 2022

Featured News

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

15-year-old government vehicles will be scrapped: Nitin Gadkari

Union minister Nitin Gadkari today (November 25)...

কেঁচা পনীৰ খালে হয় এই চাৰিটা লাভ, নিয়ন্ত্ৰণত থাকে ওজন!

পনীৰ ভাৰতীয়সকলৰ প্ৰিয় ব্যঞ্জনবোৰৰ ভিতৰত অন্যতম। পনীৰ...

আমাৰ স্বাস্থ্য ৰক্ষাত আলু

Assamese Newsআমাৰ স্বাস্থ্য ৰক্ষাত আলু

বহুতৰে ধাৰণা, আলু বেছিকৈ খালে মানুহ শকত হয়৷ এনে ধাৰণাৰ বশৱর্তী হৈয়ে শকত ব্যক্তি বা কিঞ্চিত শকত ল’ৰা–ছোৱালীক আলু খাবলৈ বাধা কৰা হয়৷ সঁচাকৈয়ে বাৰু আলু খালে মানুহ শকত হয় নেকি?
শকত হোৱাৰ নিমিত্তে খাদ্যত যিবোৰ উপাদান থাকিব লাগে, আলুত থকা সেই উপাদানবোৰৰ পৰিমাণ বিশ্লেষণ কৰি চালেই ইয়াৰ উত্তৰ পোৱা যায়৷ খাদ্যত থকা অতিৰিক্ত চর্বি, শর্কৰা, কেলৰি শক্তি আদিয়েই মানুহ শকত হোৱাৰ বাবে প্রধানকৈ দায়ী৷ আলুত থকা এই উপাদানবোৰৰ পৰিমাণ আন আন খাদ্য ভাত, ৰুটী, দাইল আদিতকৈ বহু পৰিমাণে কম৷ গতিকে নিঃসন্দেহে ই আমাৰ মাজত প্রচলিত এক ভ্রান্ত ধাৰণা৷
আলু হৈছে সুস্বাস্থ্যৰ বাহক৷ আমি ভাত, ৰুটী আদিৰ পৰিমাণ কমাই প্রতি সাঁজতে আলু খোৱাৰ অভ্যাস কৰিব লাগে৷
আলু হৈছে একপ্রকাৰ স্থূলতা ৰোধক৷ আলুত থকা চর্বি, শর্কৰা আৰু কেলৰি শক্তিৰ পৰিমাণ যথেষ্ট কম৷ যিসকলৰ শকত হোৱাৰ প্রৱণতা বেছি, যিসকলে কায়িক শ্রম খুব কম কৰে, তেওঁলোকে ভাত বা ৰুটীৰ পৰিৱর্তে আলু খোৱা উচিত৷ অথবা ভাত বা ৰুটীৰ পৰিমাণ কমাই আলুৰ পৰিমাণ বঢ়াই খাব পাৰে৷ কাৰণ সমপৰিমাণৰ ভাত বা ৰুটীত থকা শর্কৰা আলুতকৈ তিনি গুণ বেছি৷ একেদৰে আলুৰ চর্বি আৰু কেলৰি শক্তিৰ পৰিমাণো তিনি গুণ কম৷ সেইবাবে আলুৰ পৰা শকত হোৱাৰ সম্ভাৱনা বহুগুণে কম৷ আলুতকৈ ভাত, ৰুটী, দাইল আদিহে স্থূলতাৰ বাবে বেছি দায়ী৷
আলু এবিধ উৎকৃষ্ট ৰোগ প্রতিষেধক৷ কর্কটকে ধৰি বিভিন্ন ৰোগ প্রতিৰোধৰ ক্ষমতা আছে আলুত৷ আলুত প্রায় ৬০বিধ ফাইট’কেমিকেল আৰু খাদ্যপ্রাণৰ সন্ধান পোৱা গৈছে৷ এই খাদ্যপ্রাণ আৰু ৰাসায়নিক পদার্থবোৰে হূদৰোগ, শ্বাসতন্ত্রৰ বিভিন্ন ৰোগ আৰু দুই–এবিধ কর্কটৰ প্রতিৰোধক বুলি বিজ্ঞানীসকলে ইতিমধ্যে সদৰী কৰিছে৷
আলুত এবিধ কোকোৱামিন্ছ নামৰ ৰাসায়নিক পদার্থ থাকে৷ এই পদার্থবিধে আমাৰ তেজৰ চাপ হ্রাস কৰিব পাৰে৷
আলুৱে আমাৰ বয়স ধৰি ৰাখিব পাৰে৷ অর্থাৎ ই আমাক তৰুণ কৰি ৰাখে৷ আলুত এনে কিছুমান ফাইট’নিউট্রিয়েণ্ট আছে, যিবোৰে আমাৰ শৰীৰত এণ্টি–ক্সিডেণ্ট হিচাপে কাম কৰে৷ এণ্টি–ক্সিডেণ্ট হৈছে এনে এবিধ ৰাসায়নিক উপাদান, যিয়ে আমাৰ মুখৰ বলিৰেখা হ্রাস কৰে বা মুখত বলিৰেখা পৰিবলৈ নিদিয়ে৷ তদুপৰি বয়সৰ চাপ পৰিবলৈ নিদি আমাৰ তাৰুণ্যক দীর্ঘস্থায়ী কৰি ৰাখে৷ বহুদিনলৈ আমাৰ দেহকোষক কর্মক্ষম কৰি ৰাখিব পাৰে৷ সেইবাবে শৰীৰ সজীৱ আৰু তৰুণ হৈ থাকে৷ কর্কট প্রতিৰোধতো এণ্টি–ক্সিডেণ্টৰ ভূমিকা আছে৷
আলুত আছে খাদ্যপ্রাণ ‘গ’৷ ৰান্ধিলে বা সিদ্ধ কৰিলে খাদ্যপ্রাণ গ নষ্ট হোৱাৰ সম্ভাৱনা থাকে৷ কিন্তু পুষ্টিবিদসকলৰ মতে বাকলিৰে সৈতে অর্থাৎ বাকলি নগুচোৱাকৈ ঢ়াকনি দি সিদ্ধ কৰিলেও আলুত থকা খাদ্যপ্রাণ গ নষ্ট নহয়৷ আলুত খাদ্যপ্রাণ খ৬ও পোৱা যায়৷ মগজু আৰু দেহকোষৰ বিকাশৰ লগতে স্নায়ুতন্ত্রক কার্যক্ষম কৰি ৰখাত এইবিধ খাদ্যপ্রাণৰ ভূমিকা আছে৷ ভাত বা ৰুটীত এইবিধ খাদ্যপ্রাণ পোৱা নাযায়৷
আলুৰ ভিতৰত উৎকৃষ্ট হৈছে মিঠা আলু৷ অকল মিঠা আলু খায়ে মানুহ দীর্ঘদিনলৈ জীয়াই থাকিব পাৰে৷ আমাৰ সু–স্বাস্থ্যৰ বাবে ই সাধাৰণ আলুতকৈ বহুগুণে উপকাৰী৷ এইবিধ আলুত যথেষ্ট পৰিমাণে লৌহজাতীয় পদার্থ থকাৰ উপৰি খাদ্যপ্রাণ ‘ক’, ‘ঙ’ (ভিটামিন ই)ৰ লগতে বিটা কেৰ’টিন থাকে৷ বিটা কেৰ’টিন হৈছে এবিধ এণ্টি–ক্সিডেণ্ট৷ বিটা কেৰ’টিনৰ সহায়ত আমাৰ শৰীৰে নিজেই প্রয়োজনীয় খাদ্যপ্রাণ প্রস্তুত কৰি ল’ব পাৰে৷
ভাত, ৰুটী, দাইল আৰু আলুৰ খাদ্যগুণৰ তুলনা
প্রতি ১০০ গ্রাম খাদ্যদ্রৱ্যত থকা পুষ্টিগুণৰ পৰিমাণ

Check out our other content

Check out other tags:

Most Popular Articles

error: Content is protected !!
%d bloggers like this: