পৃথিৱীৰ প্ৰতিখন দেশৰ ৰেচিপিত শাক-পাচলি, চালাড বা যিকোনো খাদ্যত পিঁয়াজ ব্যৱহাৰ কৰা হয়। যদি পিঁয়াজৰ দাম বাঢ়ে, তেন্তে ৰাইজৰ মাজত আতংকৰ সৃষ্টি হয়। আৰু ইয়াৰ ফলত তেওঁলোকৰ ৰুচিৰ ওপৰত প্ৰত্যক্ষ প্ৰভাৱ পৰে। পিঁয়াজ অবিহনে যিকোনো ৰেচিপি আধৰুৱা। যদি আমি আন কথাত কওঁ, মানুহৰ খাদ্যত পিঁয়াজৰ এক বুজাব নোৱাৰা গুৰুত্ব আছে। কিন্তু যদি আপুনি গম পায় যে পিঁয়াজৰ লগতে ইয়াৰ বাকলিও উপযোগী। তেতিয়া আপুনি কি ক’ব?
প্ৰায়ে আমি পিঁয়াজৰ বাকলি পেলাই দিওঁ, কিন্তু ইয়াৰ উপকাৰিতাৰ কথা জানিলে আজিৰ পৰা আপুনিও সংৰক্ষণ কৰিব।
পিয়াঁজৰ বাকলি কোনবোৰ বস্তুত ব্যৱহাৰ কৰিব পাৰি জানো আহক-
১. দৃষ্টিশক্তি বৃদ্ধি কৰেঃ পিয়াঁজৰ বাকলিত ভিটামিন এ পোৱা যায়। যিয়ে দৃষ্টিশক্তি বৃদ্ধিৰ কাম কৰে। ইয়াৰ উপৰিও চকুৰ লগত জড়িত ৰোগ যেনে কুকুৰীকণাৰ দৰে ৰোগৰ পৰা মুক্ত কৰিব। মাত্ৰ এটা কাম কৰিব লাগিব- প্ৰথমে চাহ বনাওঁতে পিয়াঁজৰ বাকলি উতলাই লওক। আৰু তাৰ পিছত ফিল্টাৰ কৰি পান কৰক। ইয়াৰ লগে লগে আপোনাৰ ছালখনো ভাল হ’ব আৰু লগতে জিলিকি উঠিব।
২.ৰোগ প্ৰতিৰোধ ক্ষমতা শক্তিশালী কৰেঃ ভিটামিন এৰ উপৰিও পিঁয়াজৰ বাকলিত ভিটামিন চি ও পোৱা যায়। গতিকে চাহত উতলাই বা পানীৰ লগত উতলাই পান কৰিলে শৰীৰৰ ৰোগ প্ৰতিৰোধ ক্ষমতা মজবুত হয়। যাৰ বাবে ভাইৰাছৰ সংক্ৰমণৰ আশংকাও কমি যায়। আৰু আপোনাৰ শীতকালত চৰ্দি-কাহৰ কোনো সমস্যা নাথাকিব।
৩.সুস্থ আৰু ৰেচমী চুলিঃ যদি আপোনাৰ চুলি ৰুক্ষ আৰু প্ৰাণহীন হৈ পৰিছে, তেতিয়াও আপুনি পিঁয়াজৰ বাকলি ব্যৱহাৰ কৰিব পাৰে। ইয়াৰ বাবে প্ৰথমে পানী অলপ লৈ তাত পিঁয়াজৰ বাকলিবোৰ দিব। আৰু এঘণ্টাৰ পিছত একে পানীৰে চুলি ধুব। ইয়াৰ ফলত আপোনাৰ চুলি সৰা সমস্যা সমাধান হ’ব।
৪. হৃদৰোগৰ পৰা ৰক্ষা কৰেঃ যদি আপুনি হৃদৰোগৰ পৰা আঁতৰি থাকিব বিচাৰে তেন্তে পিঁয়াজৰ বাকলি এনেদৰে ব্যৱহাৰ কৰিব পাৰে। প্ৰথমে পিয়াঁজৰ বাকলিখিনি ভালদৰে পৰিষ্কাৰ কৰি তাৰ পিছত কেৰাহীত ভৰাই লব। তাৰ পিছত সেই অনুসৰি পানী দিব। পানী দিয়াৰ পিছত উতলাই লওক। এই পানী ভালদৰে ফিল্টাৰ কৰি তাৰ পিছত এই পানী খাব। ইয়াৰ ফলত আপোনাৰ হৃদৰোগৰ সম্ভাৱনা হ্ৰাস পাব।
