আদালতৰ নিৰ্দেশনাত কোৱা হৈছে অন্তৰংগ সাক্ষাতৰ বাবে বন্দীসকলক এক বিশেষ কক্ষৰ ব্যৱস্থা কৰি দিয়া হব৷ এই কক্ষত এখন বিচনা আৰু এটা শৌচাগাৰ থাকিব৷ আৰু সাক্ষাতৰ সময়কাল সৰ্বোচ্চ দুঘণ্টা পৰ্যন্ত হ’ব পাৰে৷ নিৰাপত্তাৰ কাৰণে কক্ষৰ দুৱাৰ সকলোসময়তে খোলা ৰাখিব লাগিব৷ আৰু কাৰাৰক্ষীয়ে প্ৰয়োজনত হস্তক্ষেপ কৰিব পাৰে৷
নিৰ্দেশনা মানি ইটালীৰ উমব্ৰিয়া অঞ্চলৰ এক কাৰাগাৰত এই ব্যৱস্থা কৰা হৈছে৷ এই ঘটনা ইউৰোপত প্ৰথম নহয়৷ ইটালীৰ পূৰ্বে ফ্ৰান্স, জাৰ্মানী, স্পেইন, ছুইডেন আৰু নেডাৰলেণ্ডৰ দৰে দেশসমূহত বেছ কিছু বন্দীয়ে এই সুবিধা লাভ কৰে৷
ইটালীৰ কাৰাগাৰসমূহত বন্দীৰ সংখ্যা অন্য ইউৰোপীয় দেশৰ তুলনাত বহু বেছি আৰু বন্দীৰ মাজত আত্মহত্যাৰ প্ৰবণতাও উদ্বেগজনক৷ এই পৰিস্থিতিত, কৰ্তৃপক্ষৰ আশা যে এই নতুন ব্যৱস্থাই বন্দীসকলৰ মানসিক স্বাস্থ্য ভালে ৰাখিব আৰু পাৰিবাৰিক বন্ধন মজবুত কৰিবলৈ সহায় কৰিব৷
