নিজ সন্তানৰ বয়সৰ নায়িকাৰ সৈতে বলীউডৰ হিৰোৰ ৰোমাঞ্চ নতুন কথা নহয়৷ বন্ধুৰ কন্যাও নায়িকা হৈছিল ছলমানখানৰ৷ অৱশ্যে সমালোচনাৰ চিকাৰ নহ’ল ভাইজান৷ এইবাৰ ২৮ বছৰে সৰু অভিনীত কৌৰক দেখা যাব অভিনেতা নাৱাজউদ্দিন ছিদ্দিকীৰ নায়িকা হিচাপে৷ ছবিৰ নাম ‘চেৰু ৱেডছ টিকু’৷ ছ’চিয়েল মিডিয়াৰ ছেনছেশ্যন অভিনীতে এই ছবিৰ যোগেদিয়েই ৰূপালী পৰ্দাৰ যাত্ৰা আৰম্ভ কৰিছে৷ অভিনেত্ৰী কংগনা ৰাণাৱট প্ৰযোজিত হিন্দী ছবি ‘ছেৰু ৱেডছ টিকু’ৰ টেইলাৰ বুধবাৰে মুক্তি পায়৷ টেইলাৰ মুকলিৰ পাছতে নেট নাগৰিকৰ মাজত ব্যাপক চৰ্চিত হৈছে প্ৰসংগটো৷ ছবিখনৰ এটা দৃশ্যত কন্যা বয়সৰ অভিনীত কৌৰক লিপ কিছ কৰা দেখা গৈছে নাৱাজউদ্দিন ছিদ্দিকীয়ে৷ সেই লৈ সম্প্ৰতি বিতৰ্কৰ সূত্ৰপাত হৈছে৷ ভাৰতীয় সংস্কৃতিৰ পক্ষে সদায় মাত মাৰি অহা বলীউড কুইনখ্যাত কংগনা ৰাণাৱট প্ৰযোজিত ছবিত এনে দৃশ্য দেখি চমকি উঠিছে নেট নাগৰিক৷ নেটিজেনে নাৰীক পণ্য সজোৱাত কংগনাই হাত উজান দিয়া বুলি মন্তব্য কৰিছে৷ নেটিজেনে লিখিছে– কংগনাৰ ছবিত এনে আপত্তিজনক দৃশ্য, ভাবিবই নোৱাৰি৷ য’ত অভিনীতিৰ বয়স মাত্ৰ ২১, আনহাতে ছিদ্দিকীৰ বয়স ৪৯ বছৰ৷ ২৩ জুনত আমাজন প্ৰাইমত ‘ছেৰু ৱেডছ টিকু’ মুক্তি পাব৷
