নগাঁও জিলাৰ ডাকৰঘাট গাঁও পঞ্চায়তৰ উদ্যোগত তথা নগঞা সচেতন ৰাইজৰ সহযোগত মাৰাত্মক ড্ৰাগছৰ লগতে বাল্য বিবাহ আৰু কু-সংস্কাৰৰ বিৰুদ্ধে নগাঁও চহৰৰ মধুপুৰ অঞ্চলত এক সজাগতামূলক ৰেলী উলিওৱা হয় । ৰেলীত অংশগ্ৰহণকাৰী সকলে হাতে হাতে প্লে’কাৰ্ড লৈ বিভিন্ন সজাগতামূলক শ্ল’গান দি ৰাইজক ড্ৰাগছৰ বিৰুদ্ধে সজাগ কৰিবলৈ চেষ্টা চলায় ৷ মধুপুৰ প্ৰাথমিক বিদ্যালয়ৰ চৌহদৰ পৰা উলিওৱা এই ৰেলীত ডাকৰঘাট গাঁও পঞ্চায়ৰ কৰ্মকৰ্তা, গাওঁৰক্ষী বাহিনী, মধুপুৰ অঞ্চলৰ কেইবাখনো ব্যক্তিগত আৰু চৰকাৰী শিক্ষানুষ্ঠানৰ ছাত্ৰ-ছাত্ৰী আৰু শিক্ষক-শিক্ষয়িত্ৰীসকলে অংশ গ্ৰহণ কৰে । উল্লেখ্য যে, নগাঁও চহৰৰ সমীপবৰ্তী মধুপুৰ, কদমতল, মৰঙীয়াল, শিয়ালমাৰি আদি অঞ্চল বিগত কিছুদিন ধৰি নিষিদ্ধ ড্ৰাগছৰ ৰম্যভূমিত পৰিণত হৈছে । অঞ্চলটোৰ বহু যুৱক-যুৱতীয়ে ড্ৰাগছৰ গৰাহত পৰি নিজকে ধ্বংসৰ মুখলৈ ঠেলি দিছে। আনকি বহু স্কুল, কলেজৰ ছাত্ৰ-ছাত্ৰীয়েও ড্ৰাগছৰ কবলত পৰি শিক্ষা জীৱন আধাতে সামৰিব লগীয়াত পৰিছে । ইতিমধ্যে অঞ্চলটোৰ কেইবাজনো যুৱকৰ মৃত্যু পৰ্যন্ত হৈছে । সেয়ে এনেদৰে নিষিদ্ধ ড্ৰাগছ বিৰুদ্ধে সচেতন লোকসকল ৰাজপথলৈ ওলাই আহি ৰাইজৰ মাজত ইয়াৰ বিৰুদ্ধে সজাগতা সৃষ্টি কৰাৰ লগতে ড্ৰাগছ বিৰুদ্ধে কঠোৰ ব্যৱস্থা গ্ৰহন কৰিবলৈ জিলা প্ৰশাসনক দাবী জনাইছে ৷
নগাঁৱত ড্ৰাগছৰ বিৰুদ্ধে সজাগতামূলক ৰেলী….
Posted on by GTM Desk
![](https://guwahatitimes.com/wp-content/uploads/2023/06/8a77c02e-5f7b-4735-8e44-edb19a17c2a7-690x450-1.jpg)
1 min read
You May Also Like
গণেশ চতুৰ্থী উপলক্ষ্যে ২০ কিলোগ্ৰাম সোণ দান কৰিলে অনন্ত আম্বানীয়ে
September 7, 2024
Pre- World Physiotherapy day celebration at PEWS
September 7, 2024