20.7 C
Assam
Saturday, May 21, 2022

Featured News

Centre alerts NCDC, ICMR on monkeypox: Sources

Issuing an alert to the National Centre...

Shah on two-day visit to Arunachal from Saturday

Union Home Minister Amit Shah will inaugurate...

Over 6.62 lakh hit by flood in Assam; death toll rises to 9

The flood situation in Assam further deteriorated...

ৰাজ্যত অব্যাহত আছে ২৪ খন মেডিকেল কলেজ নিৰ্মাণৰ কাম

Assamese Newsৰাজ্যত অব্যাহত আছে ২৪ খন মেডিকেল কলেজ নিৰ্মাণৰ কাম

ৰাজ্যখনত স্বাস্থ্যখণ্ডৰ ব্যাপক উন্নয়নৰ বাবে অব্যাহত আছে ৰাজ্য চৰকাৰৰ প্ৰচেষ্টা ৷ অসমক উত্তৰ-পূৱ আৰু দক্ষিণ-পূৱ এচিয়াৰ স্বাস্থ্যখণ্ডৰ মুল কেন্দ্ৰ হিচাপে গঢ়ি তোলাৰ লক্ষ্যৰে ৰাজ্য চৰকাৰে স্বাস্থ্য খণ্ডৰ ব্যাপক উন্নয়নৰ আঁচনি গ্ৰহণ কৰিছে ৷

ইপিনে ৰাজ্যৰ স্বাস্থ্যখণ্ডৰ উন্নয়নৰ বাবে ৰাজ্য চৰকাৰে জাপানৰ জাপান আন্তঃৰাষ্ট্ৰীয় সহযোগিতা এজেন্সী চমুকৈ জাইকাৰ পৰা সহযোগিতা লাভ কৰিছে ৷ বৃহস্পতিবাৰে বৰপেটাত উপস্থিত হৈ স্বাস্থ্যমন্ত্ৰী কেশৱ মহন্তই সাংবাদিকৰ আগত প্ৰকাশ কৰিলে অসমৰ স্বাস্থ্যখণ্ডৰ উন্নয়নৰ বাবে গ্ৰহণ কৰা বিশেষ ব্যৱস্থাৰ কথা ৷

স্বাস্থ্যমন্ত্ৰী কেশৱ মহন্তই জনোৱা মতে, স্বাস্থ্যখণ্ডৰ উন্নয়নৰ বাবে জাপান আন্তঃৰাষ্ট্ৰীয় সহযোগিতা এজেন্সী চমুকৈ জাইকাৰ পৰা অসমে লাভ কৰিব 3,800 কোটি টকা ৷ লগতে তেওঁ কয় যে, জাইকাৰ সহযোগত ৰাজ্যত পুনৰ 6 খন চুপাৰ স্পেচিয়েলিটী হস্পিতাল নিৰ্মাণৰ লক্ষ্য লৈছে চৰকাৰে ৷

স্বাস্থ্যমন্ত্ৰীগৰাকীয়ে জনোৱা মতে, বৰপেটা, তেজপুৰ, লখিমপুৰ, যোৰহাট, শিলচৰত নতুনকৈ নিৰ্মাণ হ’ব চুপাৰ স্পেচিয়েলিটী হস্পিতাল ৷ ইতিমধ্যে গুৱাহাটী আৰু ডিব্ৰুগড়ত নিৰ্মাণ হৈছে দুখনকৈ চুপাৰ স্পেচিয়েলিটী হস্পিতাল ৷

ৰাজ্যত 24 খন মেডিকেল কলেজ স্থাপনৰ কাম কাজ চলি থকা বুলি উল্লেখ কৰি অহা বৰ্ষত ধুবুৰী মেডিকেল কলেজৰ পাঠ্যক্ৰম আৰম্ভ কৰিব বুলিও ঘোষণা কৰে মন্ত্ৰী কেশৱ মহন্তই ৷ ৰাজ্যত এই 24 খন মেডিকেল কলেজ সম্পূৰ্ণ হৈ উঠিলে অসমে বছৰি 3 হেজাৰজন চিকিৎসক লাভ কৰিবলৈ সক্ষম হ’ব বুলিও সদৰি কৰে স্বাস্থ্যমন্ত্ৰী গৰাকীয়ে ৷

Check out our other content

Check out other tags:

Most Popular Articles

error: Content is protected !!
eskort
%d bloggers like this: