২০২৪ৰ লোকসভা নিৰ্বাচনৰ প্ৰাকক্ষণত সকলো ৰাজনৈতিক দলৰ বাবে অগ্নিপৰীক্ষা পঞ্চায়ত নিৰ্বাচন ৷ সেয়ে কোনো ৰাজনৈতিক দলে এতিয়া সহজে লোৱা নাই আগন্তুক পঞ্চায়ত নিৰ্বাচন ৷
আন আন ৰাজনৈতিক দলৰ সমান্তৰালকৈ এইবাৰ পোন প্ৰথমবাৰৰ বাবে ৰাজ্যৰ পঞ্চায়ত নিৰ্বাচনত ভুমুকি মাৰিব আম আদমি পাৰ্টিয়ে ৷ আম আদমি পাৰ্টিৰ নেতা অৰিবন্দ কেজৰিৱালৰ আগমনেৰে আৰম্ভ হ’ব অসমত আপৰ পঞ্চায়ত নিৰ্বাচনী কুচকাৱাজ ৷ শেহতীয়াকৈ দিল্লীত ৰাজ্যিক বিষয়ববীয়াৰে অনুষ্ঠিত এক বৈঠকৰ পাছতে অসমলৈ অহাৰ কথা স্পষ্ট কৰিছে অৰবিন্দ কেজৰিৱালে ৷ গুৱাহাটীৰ জনসভাৰ পৰাই কেজৰিৱালে বজাব নিৰ্বাচনী ৰণ দুন্দুভি ৷ মাৰ্চৰ প্ৰথম সপ্তাহত অসমলৈ আহিব আম আদমি পাৰ্টিৰ প্ৰতিষ্ঠাপক গৰাকী ৷
