18.2 C
Assam
Tuesday, November 29, 2022

Featured News

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

15-year-old government vehicles will be scrapped: Nitin Gadkari

Union minister Nitin Gadkari today (November 25)...

কেঁচা পনীৰ খালে হয় এই চাৰিটা লাভ, নিয়ন্ত্ৰণত থাকে ওজন!

পনীৰ ভাৰতীয়সকলৰ প্ৰিয় ব্যঞ্জনবোৰৰ ভিতৰত অন্যতম। পনীৰ...

স্তনৰ অঁহীয়া গ্রন্থি নাৰেঙা

Assamese Newsস্তনৰ অঁহীয়া গ্রন্থি নাৰেঙা

স্তনৰ ৰোগসমূহৰ ভিতৰত কর্কট ৰোগৰ পিছতে অঁহীয়া গ্রন্থি নাৰেঙাই ভয়াৱহ৷ সাধাৰণতে এই ৰোগ ১৫ বছৰৰ পৰা ৩০ বছৰীয়া মহিলাৰ স্তনত দেখা যায়৷ অর্থাৎ সন্তান জন্ম দিব পৰা ক্ষমতা অর্জন কৰা সময়ছোৱাৰ আদি ভাগত৷ ৪০ বছৰ বয়সৰ পিছত এই ৰোগ সাধাৰণতে হোৱা দেখা নাযায় ৷
ৰোগীৰ স্তনৰ ভিতৰত এটা বা ততোধিক গুটিৰ দৰে টেমুনাৰ উদ্ভৱ হয়৷ এইবোৰ আয়তনত বগৰী গুটি এটাৰ পৰা অমৰা গুটিৰ সমানো হ’ব পাৰে৷ কাচিৎহে বহুত বেছি ডাঙৰ হোৱা দেখা যায়৷ টেমুনাটো পিটিকি চালে পিছলি যায় আৰু টেমুনাটোৰ বাহিৰখন সাধাৰণতে মিহি হয়৷ কেতিয়াবাহে ই খহটা হ’ব পাৰে৷ স্তনৰ ভিতৰৰ একোটা গোটৰ কোষবোৰ অজান কাৰণত বেছিকৈ বাঢ়িবলৈ ল’লে ইয়াৰ উৎপত্তি হয় ৷
এই ৰোগ হ’লে কোনোধৰণৰ কষ্ট পোৱা নাযায়৷ টেমুনাটো খুব বেছি ডাঙৰ নহ’লে ইয়াৰ কোনো চিকিৎসাৰ প্রয়োজন নহয়৷ কিয়নো গ্রন্থি নাৰেঙাৰ পৰা সাধাৰণতে কর্কট ৰোগ নহয় ৷
স্তনৰ আলট্রাছ’নগ্রাফী, স্তনৰ এক্স–ৰে অথবা মিহি বেজীৰ জৰিয়তে টেমুনাৰ ভিতৰৰ কোষ উলিয়াই অণুবীক্ষণ যন্ত্রত পৰীক্ষা কৰি চালে বেমাৰটোৰ সম্পর্কে নিশ্চিত হ’ব পাৰি৷ ৰোগীৰ সন্দেহ থাকিলে বা চিকিৎসকৰ সন্দেহ থাকিলে এই টেমুনাটো অস্ত্রোপচাৰ কৰি বাহিৰ কৰি দিব পাৰি৷
কেতিয়াবা ১৫ বছৰৰ ওপৰৰ ছোৱালীৰ স্তনত সৰু সৰু গুটি পোৱা বুলি ৰোগীয়ে অসুবিধা পোৱাৰ কথা চিকিৎসকক জানিবলৈ দিয়ে৷ মাজে মাজে অলপ বিষায়৷ নিজৰ হাতেৰে কৰা পৰীক্ষাত ৰোগীয়ে একো অনুভৱ নকৰে৷ এই সমস্যা সাধাৰণতে অন্তঃক্ষৰণ ৰসৰ প্রভাৱত এনে হয়৷ খাদ্যপ্রাণ ‘ই’ খালে ইয়াৰ উপশম হয়৷ এনে সমস্যাত ৰোগীয়ে ভয় খাবলগীয়া একো নাথাকে৷

ডাঃ নিৰ্মল বৰা

Check out our other content

Check out other tags:

Most Popular Articles

error: Content is protected !!
%d bloggers like this: