fbpx
September 1, 2021

বৰপেটা আইন মহাবিদ্যালয়ৰ সোণালী জয়ন্তী বৰ্ষৰ শুভাৰম্ভ

৫০ বছৰীয়া হ’ল বৰপেটা আইন মহাবিদ্যালয় (Barpeta Law College) ৷ আইন মহাবিদ্যালয় খনৰ ৫০ বছৰীয়া যাত্ৰাক উদযাপনৰ বাবে বিশেষ কাৰ্যসূচী হাতত লোৱা হৈছে । মহাবিদ্যালয়খনৰ সোণালী জয়ন্তী (Golden jubilee) বৰ্ষ উপলক্ষ্যে বছৰজোৰা কাৰ্যসূচীৰ মঙলবাৰে শুভাৰম্ভ কৰা হয় ।

ক’ভিড পৰিস্থিতিৰ (Covid situation) বাবে আইন মহাবিদ্যালয়ৰ সোণালী জয়ন্তী বৰ্ষৰ কাৰ্যসূচীৰ সকলো আনুষ্ঠানিকতা বাদ দি নাম প্ৰসংগৰ আয়োজন কৰিয়েই সোণালী জয়ন্তীৰ বছৰজোৰা কাৰ্যসূচী মুকলি কৰা হয় ৷ সোণালী জয়ন্তীৰ বছৰজোৰা কাৰ্যসূচীত বিভিন্ন সময়ত আলোচনা সভা, বক্তৃতানুষ্ঠান আৰু সামৰণি অনুষ্ঠানৰ আয়োজন কৰা হ’ব ৷ ইফালে সোণালী জয়ন্তীৰ শুভাৰম্ভ কাৰ্যসূচীত জিলা উপায়ুক্তৰ লগতে কেইবাগৰাকী বিশিষ্ট ব্যক্তি উপস্থিত থাকে ।

মহাবিদ্যালয়খনৰ বৰ্তমানৰ আৰু প্ৰাক্তন শিক্ষাৰ্থীসকলেও কাৰ্যসূচীত অংশগ্ৰহণ কৰে । অধ্যক্ষগৰাকী আশা কৰা মতে পৰিস্থিতি সুস্থিৰ হ’লে সোণালী জয়ন্তী বৰ্ষৰ সামৰণি অনুষ্ঠান জাক জমকতাৰে আয়োজন কৰিব । সামৰণি অনুষ্ঠানৰ বাবে ৰাজ্যৰ কেইবাগৰাকী বিশিষ্ট ব্যক্তিকো নিমন্ত্ৰণ জনোৱাৰ কথা উল্লেখ কৰিছে অধ্যক্ষগৰাকীয়ে ।

error: Content is protected !!
%d bloggers like this: