32.4 C
Assam
Monday, August 15, 2022

Featured News

ডিব্ৰুগড়ত পুনৰ পোহৰলৈ আহিছে কিডনী বিক্ৰীৰ ঘটনা

Assamese Newsডিব্ৰুগড়ত পুনৰ পোহৰলৈ আহিছে কিডনী বিক্ৰীৰ ঘটনা

বিগত কিছু দিন পূৰ্বে মৰিগাঁও জিলাত পোহৰলৈ আহিছিল কিডনী বিক্ৰীৰ দৰে ভয়াবহ ঘটনা ৷ ইয়াৰ পিছতে ৰাজ্যৰ অন্যান্য প্ৰান্ততো মানৱদেহৰ অংগ ব্যৱসায়ৰ তথ্য পোহৰলৈ আহিছিল ৷ ইয়াৰ ভিতৰত অন্যতম এখন জিলা হিচাপে পৰিগনিত হৈছে ডিব্ৰুগড় জিলা ৷ জিলাখনত এতিয়াও সক্ৰিয় হৈ আছে মানৱ দেহৰ অংগ বিক্ৰীৰ লগত জড়িত এটা দালাল চক্ৰ ।

ইপিনে চাহ বাগিচা অঞ্চলত ভয়াবহভাৱে বৃদ্ধি পোৱা কিডনী বিক্ৰীৰ ঘটনাক লৈ উদ্বেগ প্ৰকাশ কৰিছে চাহ জনগোষ্ঠীয় সমাজে । প্ৰাপ্ত তথ্য অনুসৰি, ডিব্ৰুগড়ৰ চেংলিজান চাহ বাগিচাত এগৰাকী মহিলাই নিজৰ কিডনী বিক্ৰী কৰাৰ আন এটা ঘটনা পোহৰলৈ আহিছে । সমগ্ৰ ঘটনাটো পোহৰলৈ অহাৰ পাছতে এই লৈ অনুষ্ঠিত হয় এখন ৰাজহুৱা সভা । অঞ্চলটোৰ স্থানীয় মহিলা সমিতিৰ উদ্যোগত অনুষ্ঠিত হোৱা এই ৰাজহুৱা সভাত মানৱ দেহৰ অংগ বিশেষকৈ কিডনীৰ দালাল চক্ৰৰ পৰা আঁতৰি থাকিবলৈ সকলোকে জনাইছে আহ্বান ।

জানিব পৰা মতে, বিনা মৃৰ্দ্ধা নামৰ মহিলাগৰাকীৰ কন্যা অসম চিকিৎসা মহাবিদ্যালয়ত চিকিৎসাধীন হৈ থকাৰ সময়তে তেখেতৰ সাক্ষাৎ হৈছিল তেজপুৰৰ নাতুন দেউৰী আৰু মনিকা দেউৰীৰ সৈতে । সেই সময়তে তেজপুৰ ৰঙাপাৰাৰ কিডনী বিক্ৰীৰ লগত জড়িত এক দালাল দম্পত্তিয়ে কিডনী বিক্ৰীৰ পৰামৰ্শ দিছিল বিনা মৃৰ্দ্ধা । তাৰ পাছতে ৫ লাখ ৫০ হাজাৰ টকাত নিজৰ এটা কিডনী দিবলৈ মান্তি হৈছিল বিনা মৃৰ্দ্ধা নামৰ মহিলাগৰাকী । কিডনী বিক্ৰীৰ দৰদাম ঠিক হোৱাৰ পাছতে এমাহৰ পূৰ্বে কলকাতাত নিজৰ কিডনী বিক্ৰী কৰিছিল বিনা মৃৰ্দ্ধাই ।

মন কৰিবলগীয়া যে, বাণীপুৰ ৰে’লৱে ষ্টেচনৰ পৰা নাতুন দেউৰী আৰু মনিকা দেউৰীৰ সৈতে কলকাতালৈ যোৱাৰ কথা স্বীকাৰ কৰিছে বিনা মৃৰ্দ্ধাই । সমগ্ৰ ঘটনা পোহৰলৈ অহাৰ পাছতে মানৱ দেহৰ ব্যৱসায় কৰা দালাল চক্ৰটোৰ বিৰুদ্ধে কঠোৰ ব্যৱস্থা গ্ৰহণৰ দাবী জনাইছে আটছাই । উল্লেখযোগ্য যে, ইয়াৰ পূৰ্বেইও ডিব্ৰুগড়ৰ বহু কেইখন চাহ বাগিচাত কিডনী বিক্ৰীৰ বহুকেইটা ঘটনা পোহৰলৈ আহিছিল । কিন্তু এই বিষয়টো লৈ আৰক্ষীয়ে আজি পৰ্যন্ত কোনো ধৰণৰ বিহিত ব্যৱস্থা গ্ৰহণ নকৰাৰ আভিযোগ উত্থাপন কৰিছে স্থানীয় সচেতন লোকে ৷

Check out our other content

Check out other tags:

Most Popular Articles

error: Content is protected !!
%d bloggers like this: