17 C
Assam
Sunday, November 27, 2022

Featured News

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

15-year-old government vehicles will be scrapped: Nitin Gadkari

Union minister Nitin Gadkari today (November 25)...

কেঁচা পনীৰ খালে হয় এই চাৰিটা লাভ, নিয়ন্ত্ৰণত থাকে ওজন!

পনীৰ ভাৰতীয়সকলৰ প্ৰিয় ব্যঞ্জনবোৰৰ ভিতৰত অন্যতম। পনীৰ...

নলা–নর্দমা নিষ্কাশনৰ নামত জি এম চিৰ প্রহসনঃ পথৰ দাঁতিত বোকা–আৱর্জনাৰ দ’ম: বিনষ্ট পৰিৱেশ

Assamese Newsনলা–নর্দমা নিষ্কাশনৰ নামত জি এম চিৰ প্রহসনঃ পথৰ দাঁতিত বোকা–আৱর্জনাৰ দ’ম: বিনষ্ট পৰিৱেশ

 গুৱাহাটী মহানগৰীক বানমুক্ত কৰিবলৈ পৌৰ নিগমে যুদ্ধকালীন প্রচেষ্টাৰে নলা–নর্দমা নিষ্কাশন কৰি আছে৷ বিগত কেইবাদিন ধৰি দিনে–নিশাই মহানগৰীৰ প্রান্তে প্রান্তে চলিছে নলা–নর্দমা আৰু ভৰলু তথা বাহিনী নৈৰ আৱর্জনা নিষ্কাশনৰ কাম৷ নৱনিযুক্ত পৌৰ আয়ুক্ত দেৱাশিস শর্মাই মহানগৰবাসীক কৃত্রিম বানৰ পৰা সকাহ দিয়াৰ বাবে বিভাগীয় বিষয়া–কর্মচাৰীৰ সহযোগিতাৰে যুদ্ধকালীন প্রচেষ্টা অব্যাহত ৰাখিছে৷

পৌৰ আয়ুক্তৰ তৎপৰতাক মহানগৰবাসীয়ে শলাগ লোৱাৰ উপৰি এইগৰাকী দক্ষ বিষয়াৰ প্রচেষ্টাৰ জৰিয়তে সম্ভাব্য কৃত্রিম বানৰ পৰা এইবেলি সর্বসাধাৰণ লাকে কিঞ্চিৎ সকাহ পাব বুলি ধাৰণা কৰা হৈছে৷ কিন্তু মহানগৰীৰ বিভিন্ন স্থানত নলা নিষ্কাশন কৰি আৱর্জনা আৰু বোকা পথৰ দাঁতিত দ’মাই থোৱাত কৃত্রিম বান নিয়ন্ত্রণত পৌৰ নিগম কর্তৃপক্ষ কিমানদূৰ সফল হ’ব, এই লৈ বিভিন্ন প্রশ্ণ উত্থাপন হৈছে৷

নলাৰ পৰা উঠাই অনা বোকা আৰু আৱর্জনা তিনি–চাৰি দিন পর্যন্ত পথৰ দাঁতিত পেলাই যোৱাত বৰষুণে পুনৰ সেই বোকা নলাত পেলাইছে৷ তদুপৰি পথৰ দাঁতিত দ’মাই থোৱা বোকা আৰু আৱর্জনাৰ দ’মৰ পৰা নির্গত হোৱা পূতিগন্ধময় পৰিৱেশৰ বাবে যাতায়াতৰ ক্ষেত্রত আন এক সমস্যাৰ সৃষ্টি হৈছে৷ কেৱল সেয়াই নহয়, বোকা–আৱর্জনাৰ দ’মৰ বাবে কিছুমান ঠেক পথত সৰু–সুৰা কেইবাটাও দুর্ঘটনা সংঘটিত হোৱাৰ খবৰ পোৱা গৈছে৷

বিশেষকৈ মহানগৰীৰ ৰাজগড় পথ, কাহিলিপাৰাৰ পাৱাৰ হাউছ, বেলতলা চাৰিআলি, ভেটাপাৰা, ছয়মাইল, পাঞ্জাবাৰী আৰু বাঘৰবড়ি অঞ্চলত নলাৰ পৰা তুলি অনা জাবৰৰ দ’মে পৰিৱেশ বিনষ্ট কৰিছে৷ এইক্ষেত্রত পৌৰ নিগমে পৰৱর্তী সময়ত কি ব্যৱস্থা গ্রহণ কৰে, সেয়া লক্ষণীয় হ’ব৷ Source: Niyomiya Barta

Check out our other content

Check out other tags:

Most Popular Articles

error: Content is protected !!
%d bloggers like this: