বড়োভূমিত তেল পানী এক কৰিবলৈ গৈ বিবুদ্ধিত ৰাজ্যিক বিজেপি ৷ বিজেপিৰ ৰণনীতি মানি নলয় বড়োভূমিত বিপিএফ, ইউ পি পি এলে ৷ কোকৰাঝাৰত হাগ্ৰামা মহিলাৰীয়ে দিব নিজ দলৰ প্ৰাৰ্থী ৷
দুদিন পূৰ্বে হাগ্ৰামা মহিলাৰীয়ে ঘোষণা কৰিছিল সংবাদ মাধ্যমৰ সন্মুখত কোকৰাঝাৰত প্ৰাৰ্থী দিয়াৰ কথা ৷ হাগ্ৰামা মহিলাৰীৰ এনে ঘোষণাৰ পাছত এইবাৰ মুখ খুলিলে BTR প্ৰধান প্ৰমোদ বড়োৱে ৷ কোনো বিগ ব্ৰাদাৰ অথবা স্মল ব্ৰাদাৰ ৰাজনৈতিক দলৰ একক সিদ্ধান্তই শেষ সিদ্ধান্ত হ’ব নোৱাৰে ৷ বিবেক, নীতি আৰু সমাজে নিৰ্ণয় কৰিব UPPLৰ সিদ্ধান্ত ৷ বিজেপিয়ে ভৱাৰ ধৰণে এই পৰ্য্যন্ত তেনে কোনো সিদ্ধান্তৰ কথা চিন্তা কৰা নাই UPPL প্ৰধান প্ৰমোদ বড়োই ৷ বড়োভূমিৰ দায়িত্বত থকালৈ UPPL প্ৰধান গৰাকীৰ মাথোন এটাই প্ৰাৰ্থনা যাতে তেওৰ দ্বাৰা ভগবানে কোনো ভূল কাম নকৰে ৷ বিটিআৰক লৈ বিজেপিৰ ৰাষ্ট্ৰীয় সাধাৰণ সম্পাদক দিলীপ শইকীয়াৰ মন্তব্য আছিল মুখ্যমন্ত্ৰী হিমন্ত বিশ্ব শৰ্মাই সন্ধিৰ বাঁহ বুদ্ধিৰে কাটিব ৷ মুখ্যমন্ত্ৰীয়ে বুদ্ধিৰে দুই ৰাজনৈতিক দলক লগত লৈ প্ৰাৰ্থী দিয়াৰ পৰিকল্পনা বিজেপিৰ ৷ দুই দলক একগোট কৰি লোকসভাত প্ৰাৰ্থী আগবঢ়াৰ ইংগিত দিছিল দিলীপ শইকীয়াই ৷ পিছে, শইকীয়াৰ এনে মন্তব্যৰ বিপৰীতে জুই শিখা নুঠা পৰ্য্যন্ত বড়োভূমিত শান্তিময় পৰিবেশত থকাৰ কথা প্ৰমোদ বড়োৰ মুখত ৷ যদিওৱা একে আশাৰে BPF ৰ সৈতে মিত্ৰতালৈ নহাৰ কথা স্বীকাৰ কৰা নাই তথাপি দীৰ্ঘ সময় অশন্ত জৰ্জৰ কৰি ৰখা কোনো দলৰ সতে মিলি কাম নকৰাৰ ইংগিত প্ৰমোদ বড়োৰ ৷ কোকৰাঝাৰ, মঙ্গলদৈক লৈ বিজেপিয়ে তেল পানী এক কৰাৰ অংক যেন উজুটি খাইছে দুই দলৰ প্ৰধানৰ কথাত ৷ কিয়নো কোনো কালে দুই বড়োভূমিৰ দলে বিচৰা নাই দুই বৈড়ীৰ সতে মিত্ৰতা ৷
