24.7 C
Assam
Monday, November 28, 2022

Featured News

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

15-year-old government vehicles will be scrapped: Nitin Gadkari

Union minister Nitin Gadkari today (November 25)...

কেঁচা পনীৰ খালে হয় এই চাৰিটা লাভ, নিয়ন্ত্ৰণত থাকে ওজন!

পনীৰ ভাৰতীয়সকলৰ প্ৰিয় ব্যঞ্জনবোৰৰ ভিতৰত অন্যতম। পনীৰ...

শীতকালত গোৰোহা নাফাটিবলৈ ঘৰুৱাভাৱে কিদৰে যত্ন ল’ব?

Assamese Newsশীতকালত গোৰোহা নাফাটিবলৈ ঘৰুৱাভাৱে কিদৰে যত্ন ল’ব?

শীতকালত হোৱা এটা প্রধান সমস্যা হৈছে গোৰোহা ফটা৷ গোৰোহা ফটাটো কেতিয়াবা বৰ কষ্টদায়ক হৈ পৰে৷ বহু সময়ত গোৰোহা ফটা লোকে পৰিস্থিতিত পৰি লজ্জাবোধ কৰাও দেখা যায়৷ বিশেষকৈ, মহিলাসকলৰ ক্ষেত্রত গোৰোহা ফটা সমস্যাটো বৰ অস্বস্তিদায়ক লগতে কেতিয়াবা আত্মসন্মানতো আঘাত হানে৷ কেতিয়াবা গোৰোহা ফটা ৰোগ ইমান ভয়াৱহ হয় যে ফাটবোৰৰ মাজেদি ৰক্তক্ষৰণ হৈ খোজকঢ়াত ব্যাঘাত জন্মায়৷ সাধাৰণতে গোৰোহা ফটাৰ কাৰণবোৰ বিশ্লেষণ কৰিলে দেখা যায় যে আর্দ্রতাহীনতা বা পুষ্টিহীনতা, পৰিষ্কাৰ–পৰিচ্ছন্ন অভাৱ, শৰীৰৰ ওজন বৃদ্ধি, জোতা বা চেণ্ডেলৰ বাবেও গোৰোহা ফাটিব পাৰে৷ ইয়াৰ প্রতিকাৰৰ উপায় হিচাপে এটা চৰিয়াত কুহুমীয়া গৰম পানী লৈ তাত দুচামুচ নিমখ আৰু অলপ ছেম্পূ মিহলাই ভৰিখন দহ মিনিট সময় জুবুৰিয়াই থ’ব লাগে৷ এনে কৰাৰ ফলত গোৰোহাৰ ফাটত সোমাই থকা ধূলি–বালি, জীৱাণু আদি ওলাই পৰে আৰু গোৰোহাৰ ফটা ছালবোৰ কোমল হয়৷ তাৰ পাছত পৰিষ্কাৰ কাপোৰেৰে মচিব লাগে৷ দুই চামুচ মিঠাতেলত এক ইঞ্চি মম মিহলাই গৰম কৰি তৈয়াৰ কৰা মলম কুহুমীয়া অৱস্থাত লগাব লাগে৷ ডেৰ চামুচ ভেচলিনত এচামুচ বৰিক মিহলাই প্রস্তুত কৰা মিশ্রণ লগালেও সুফল পাব পাৰি৷ মৌ আৰু চালকুঁৱৰীৰ ৰসৰ মিশ্রণ লগালেও গোৰোহা ফটা সমস্যা ভাল হয়৷ কেষ্টৰ অইলৰ লগত হালধি গুডি ভালকৈ মিহলাই তুলাত লগাই দিনে দুবাৰকৈ লগাব লাগে৷ বিশ মিনিটমান পিছত গোৰোহাটো ভালদৰে ধুই ল’ব লাগে৷ ধূলি–বালিৰ পৰা ৰক্ষা পাবলৈ মোজা পিন্ধি থাকিব লাগে৷ কেঁচা গাখীৰৰ লগত পিঠাগুডিৰ মিশ্রণ অথবা অথবা পকা কল ফেনেকি আক্রান্ত অংশত লেপন দি লাহে লাহে ১৫ মিনিটমান মালিচ কৰি তাৰ পিছত পানীৰে ধুই দিব লাগে৷ ৰাতি শোৱাৰ আগতে গোৰোহাত নাৰিকল তেল বা গ্লিচাৰিন সানিব লাগে৷ আনহাতে প্রচুৰ পৰিমাণে পানী খোৱাটো আৱশ্যক৷ এনেদৰে বিভিন্ন পদ্ধতি প্রয়োগ কৰি আমি শীতকালত গোৰোহাটো ফটাৰ পৰা বচাই ৰাখিব পাৰোঁ৷

 

Check out our other content

Check out other tags:

Most Popular Articles

error: Content is protected !!
%d bloggers like this: