উচ্চতৰ মাধ্যমিক চূড়ান্ত বৰ্ষৰ বিশেষ পৰীক্ষাৰ ফলাফল ঘোষণা

উচ্চতৰ মাধ্যমিক চূড়ান্ত বৰ্ষৰ বিশেষ পৰীক্ষাৰ ফলাফল শনিবাৰে ঘোষণা কৰা হয় (HS final year special exam result declared) । ক’ভিড পৰিস্থিতিৰ বাবে বিকল্প মূল্যায়ন ব্যৱস্থাৰে ফলাফল ঘোষণাৰ পাছত অসন্তুষ্ট শিক্ষাৰ্থীৰ বাবে বিশেষ পৰীক্ষা অনুষ্ঠিত কৰা হৈছিল । ঘোষিত ফলাফল অনুসৰি ৰাজ্যৰ চাৰিখন জিলা ক্ৰমে বঙাইগাঁও, যোৰহাট, দক্ষিণ শালমাৰা আৰু ওদালগুৰি জিলাৰ ১০০ শতাংশ শিক্ষাৰ্থীয়ে উত্তীৰ্ণ হ’বলৈ সক্ষম হৈছে ।

তাৰ বিপৰীতে কামৰূপ মহানগৰৰ ফলাফল প্ৰকাশিত তালিকাৰ সৰ্বনিম্ন স্থানত আছে । উত্তীৰ্ণ হাৰ কেৱল মাত্ৰ ৭.৬৯ শতাংশ । কামৰূপ মহানগৰৰ ১৩ গৰাকী পৰীক্ষাৰ্থীয়ে এই বিশেষ পৰীক্ষাত অৱতীৰ্ণ হৈছিল আৰু তাৰে ভিতৰত কেৱল মাত্ৰ এগৰাকী পৰাক্ষাৰ্থীহে উত্তীৰ্ণ হ’বলৈ সক্ষম হয় ।

উল্লেখ্য যে ক’ভিড মহামাৰীৰ বাবে এইবাৰ উচ্চতৰ মাধ্যমিকৰ পৰীক্ষা অনুষ্ঠিত হোৱা নাছিল । বিশেষ মূল্যায়ন পদ্ধতিৰে পৰীক্ষাৰ ফলাফল ঘোষণা কৰা হৈছিল । যি ফলাফলক লৈ বহু পৰাক্ষাৰ্থী সন্তুষ্ট নাছিল । সেয়ে চৰকাৰে ধৰি দিয়া বিকল্প পদ্ধতিৰে অনুষ্ঠিত কৰা পৰীক্ষাত অৱতীৰ্ণ হৈছিল ।

১০ অক্টোবৰৰ পৰা ১১ নৱেম্বৰলৈ অনুষ্ঠিত হৈছিল এই পৰীক্ষা । সেই পৰীক্ষাৰেই ফলাফল ঘোষণা কৰা হয় । www.ahsec.assam.gov.in ৱেব ছাইটত উপলব্ধ হয় এই ফলাফল ।

মুঠ ১,৪১৪ গৰাকী প্ৰাৰ্থী অৱতীৰ্ণ হৈছিল উচ্চতৰ মাধ্যমিক চূড়ান্ত বৰ্ষৰ এই বিশেষ পৰীক্ষাত । এই পৰীক্ষাত কামৰূপ গ্ৰাম্যৰ সৰ্বাধিক সংখ্যক পৰীক্ষাৰ্থী অৱতীৰ্ণ হৈছিল । ১২৭ গৰাকী পৰীক্ষাৰ্থীৰ ১০১ গৰাকীয়ে সাফল্য লাভ কৰে এই পৰীক্ষাত ।

error: Content is protected !!
%d bloggers like this: