অসম মাধ্যমিক শিক্ষা পৰিষদৰ অধীনত কাইলৈৰ পৰা অনুষ্ঠিত হ’ব হাইস্কুল শিক্ষান্ত পৰীক্ষা ৷ ২০২৩ বৰ্ষৰ হাইস্কুল শিক্ষান্ত পৰীক্ষাৰ অন্তিম পৰ্য্যায়ৰ পৰ্য্যবেক্ষণ অসম মাধ্যমিক শিক্ষা পৰিষদৰ ৷ ৯১২ টা পৰীক্ষা কেন্দ্ৰত অনুষ্ঠিত হ’ব হাইস্কুল শিক্ষান্ত পৰীক্ষা !
অসম মাধ্যমিক শিক্ষা পৰিষদৰ অধীনত কাইলৈৰ পৰা অনুষ্ঠিত হ’ব হাইস্কুল শিক্ষান্ত পৰীক্ষা ৷ ২০২৩ বৰ্ষৰ হাইস্কুল শিক্ষান্ত পৰীক্ষাৰ অন্তিম পৰ্য্যায়ৰ পৰ্য্যবেক্ষণ অসম মাধ্যমিক শিক্ষা পৰিষদৰ ৷
শুকুৰবাৰৰ পৰা অনুষ্ঠিত হ’বলগীয়া হাইস্কুল শিক্ষান্ত পৰীক্ষাত ৰাজ্যৰ মুঠ ৪ লাখ ২২ হাজাৰ ১ শ ৭৪ গৰাকী প্ৰাৰ্থী অৱতীৰ্ণ ইয়াৰে ১ লাখ ৯৪ হাজাৰ ৫৪ গৰাকী পুৰুষ প্ৰাৰ্থী ৷ ২ লাখ ২৮ হাজাৰ ১ শ ২০ গৰাকী মহিলা প্ৰাৰ্থী ৷ উল্লেখ্য যে এইবাৰৰ হাইস্কুল শিক্ষান্ত পৰীক্ষাত অৱতীৰ্ণ বৰপেটা জিলাত সৰ্বাধিক ২৭ হাজাৰ ৬ শ ৪৭ গৰাকী প্ৰাৰ্থী ৷ বিপৰীতে মাজুলীত সৰ্বনিম্ন অৱতীৰ্ণ প্ৰাৰ্থী ৩ হাজাৰ ৩৭ গৰাকী ৷ বিগত বৰ্ষৰ তুলনাত ২০২৩ বৰ্ষৰ হাইস্কুল শিক্ষান্ত পৰীক্ষা হ’ব কিছু পৃথক ৷ পূৰ্বৰ পৰীক্ষাৰ প্ৰশ্নকাকতৰ বিপৰীতে এইবাৰ প্ৰশ্নকাকত কিছু পৃথক হ’ব ৷ কিয়নো চাৰি বিষয়ত ৪৫ নম্বৰ হ’ব অৱজেক্টটিভ ৷ অৱজেক্টটিভ প্ৰশ্নৰ বাবে সুকীয়া উত্তৰ বহী ৷ নিখুট আৰু ক্ৰুটিমুক্ত পৰীক্ষা অনুষ্ঠিত কৰিবলৈ মাধ্যমিক শিক্ষা পৰিষদে প্ৰতিটো পৰীক্ষা কেন্দ্ৰত চিচি কেমেৰাকে ধৰি গ্ৰহণ কৰিছে বিভিন্ন বিশেষ ব্যৱস্থা ৷ স্পৰ্শকাতৰ পৰীক্ষা কেন্দ্ৰত নিয়োজিত থাকিব অসম আৰক্ষী ৷ শিক্ষাৰ্থীৰ সুবিধাৰ অৰ্থে বিগত বৰ্ষৰ তুলনাত এইবাৰ ৯ টা পৰীক্ষা কেন্দ্ৰ বৃদ্ধি কৰিছে ছেবা কৰ্তৃপক্ষই ৷ অৱশ্যে পৰীক্ষা অৱতীৰ্ণ হোৱা প্ৰাৰ্থীৰ সংখ্যা পূৰ্বৰ প্ৰায় অনুৰূপ বুলি মন্তব্য মাধ্যমিক শিক্ষা পৰিষদৰ ৷
