প্ৰেম আৰু প্ৰেমৰ দিৱস…ভেলেন্টাইন ডে। প্ৰতি বছৰে ১৪ ফেব্ৰুৱাৰীত সমগ্ৰ বিশ্বৰ মানুহে ইয়াক নিজৰ নিজৰ ধৰণেৰে উদযাপন কৰে। কোনোবাই ফুল দিয়ে, কোনোবাই উপহাৰ দিয়ে আৰু কোনোবাই চকলেট দিয়ে… কিন্তু উদযাপনৰ ধৰণবোৰ এতিয়া সলনি হৈছে! এক সমীক্ষা অনুসৰি এইবাৰ ৭ ফেব্ৰুৱাৰীৰ পৰা ১৪ ফেব্ৰুৱাৰীলৈ চলি থকা ভেলেণ্টাইন সপ্তাহত ফুলতকৈ বিক্ৰী বেছি আছিল কণ্ডমৰ। পূৰ্বতকৈ এই সাত দিনত কণ্ডম বিক্ৰীৰ ক্ষেত্ৰত প্ৰায় ৩০% বৃদ্ধি দেখা গৈছিল।
এই বছৰত থাইলেণ্ডে নিৰাপদ যৌন সম্পৰ্কৰ প্ৰসাৰ, কিশোৰ-কিশোৰীৰ গৰ্ভাৱস্থা প্ৰতিৰোধ আৰু যৌন সংক্ৰামক ৰোগ যেনে চিফিলিছ, গনোৰিয়া, ক্ল’মাইডিয়া, এইডছ আৰু ছাৰ্ভাইকেল কেন্সাৰৰ পৰা ৰক্ষা পাবলৈ প্ৰায় ৯.৫ কোটি কণ্ডম বিতৰণ কৰে।
উল্লেখ্য যে ‘আমেৰিকাৰ ৰাষ্ট্ৰীয় খুচুৰা ফেডাৰেচন’ৰ (US National Retail Federation) তথ্য অনুসৰি ভেলেণ্টাইন দিৱসক লৈ যুৱক-যুৱতীসকলৰ মাজত যথেষ্ট উৎসাহৰ সৃষ্টি হৈছে। তেওঁলোকৰ স্বাস্থ্য আৰু যৌন সম্পৰ্কৰ ফলত হোৱা ৰোগৰ প্ৰতি সতৰ্ক হোৱাটো ভাল কথা। ইয়াৰ লগতে প্ৰতি বছৰে ১৩ ফেব্ৰুৱাৰীত আন্তঃৰাষ্ট্ৰীয় কণ্ডম দিৱসো পালন কৰা হয়। এই দিৱস উদযাপনৰ বাবে বৃহৎ সংখ্যক কণ্ডম ক্ৰয় কৰা হয়। পশ্চিমীয়া দেশসমূহত কণ্ডম নিৰ্মাণ কৰা কোম্পানীসমূহে ইয়াৰ বাবে প্ৰস্তুতি চলায়। ভেলেণ্টাইন ডে’ৰ আগতে বজাৰত বহু ধৰণৰ অফাৰো অনা হয় যাতে সেইবোৰ ভালদৰে বিক্ৰী কৰিব পৰা যায়।
মন কৰিবলগীয়া যে ২০১৮ চনত ভেলেণ্টাইন দিৱসৰ পিছত ‘হিন্দুস্তান টাইমছ’ত প্ৰকাশিত এক প্ৰতিবেদন অনুসৰি সেই বছৰ অনলাইন প্লেটফৰ্ম স্নেপডিলে মাত্ৰ ১ টকাৰ বিনিময়ত কণ্ডম বিক্ৰীৰ বিক্ৰী আঁচনি আনিছিল, যিটো ছুপাৰ হিট আছিল। কোম্পানীটোৱে এদিনতে ১.৫ লাখ পেকেট কণ্ডম বিক্ৰী কৰিছিল। সেই বছৰতো ভেলেণ্টাইন ডে’ৰ বিক্ৰীত কণ্ডমে ফুলক কঠোৰ প্ৰত্যাহ্বান দিছিল।
