যোৰহাটত নিশা গৰ্ভৱতী মহিলাক মদ্যপান কৰা যুৱকৰ আক্ৰমণ, আৰক্ষীৰ গাফিলতিৰ অভিযোগ
যোৰহাটত এক জঘন্য কাণ্ড চৰ্চালৈ আহিছে, য’ত এগৰাকী গৰ্ভৱতী মহিলা আৰু তেওঁৰ পৰিয়ালৰ লোকক মদ্যপান কৰা যুৱকৰ দলে নিৰ্দয়ভাৱে আক্ৰমণ কৰে।
খবৰ অনুসৰি, দেশজুৰি হোলী উদযাপনৰ মাজতে ৮ মাৰ্চৰ গভীৰ নিশা সংঘটিত হয় এই ঘটনা। বাহিৰত হোলী উদযাপন কৰি যোৰহাটৰ নিজৰ এপাৰ্টমেণ্টলৈ উভতি আহি থকা অৱস্থাত দোষীক তেওঁলোকৰ গেটত উদ্ধাৰ কৰে।
চিচি টিভি কেমেৰাৰ ফুটেজ অনুসৰি এজন যুৱকে গৰ্ভৱতী মহিলাগৰাকীক চুলিত টানি অনা দেখা গৈছে, আৰু গোটটোৰ আন সদস্যসকলে পৰিয়ালৰ লোকক আক্ৰমণ কৰিছে।
লাভ কৰা তথ্য অনুসৰি যোৰহাটৰ বঙাল পুখুৰীৰ এটা এপাৰ্টমেণ্টৰ সন্মুখত সংঘটিত হৈছে এই ঘটনা। নিশা ভুক্তভোগী পৰিয়ালটো ঘৰলৈ উভতি আহি থকা অৱস্থাত সংঘটিত হয় এই ঘটনা।
যোৰহাটৰ বঙাল পুখুৰীত পথৰ মাজত মদ্যপান কৰি আছিল প্ৰায় তিনি-চাৰিজন যুৱকে। গাড়ীৰে আহি থকা ভুক্তভুগী পৰিয়ালটোৱে সেই স্থান পাৰ হ’বলৈ হৰ্ণ বজায়। সেই হৰ্ণ বজোৱাৰ বাবেই মদ্যপান কৰা যুৱকসকলক ক্ষুব্ধ হৈ উঠে আৰু তেওঁলোকক আক্ৰমণ কৰে। এই সমগ্ৰ দৃশ্য যোৰহাটৰ বঙাল পুখুৰীৰ এটা এপাৰ্টমেণ্টৰ ছিকিউৰিটি কেমেৰাৰ ফুটেজত বন্দী হৈছে।
পিছত মহিলাগৰাকীৰ স্বামীয়ে এজাহাৰ পঞ্জীয়ন কৰিবলৈ যোৰহাটৰ লিচুবাৰী থানাত উপস্থিত হয়। অৱশ্যে তেওঁৰ মতে, আৰক্ষীয়ে এই বিষয়ত এতিয়াও কোনো ব্যৱস্থা গ্ৰহণ কৰা নাই।
স্বামীয়ে ক’লে, “এপাৰ্টমেণ্টৰ সন্মুখত ৰাস্তাৰ মাজত বহি একাংশ যুৱকে মদখাই আছিল। যেতিয়া আমি সেই স্থান আহি পালোঁ তেতিয়া আমি পাৰ হ’ব নোৱাৰাৰ বাবে মই তেওঁলোকক হৰ্ণ বজাব লগা হ’ল তাৰ পিছত তেওঁলোকে আমাৰ গাড়ীখন ৰখাই দিয়ে।”
“মই আৰু মোৰ পত্নীয়ে গাড়ীৰ পৰা নামি অহাৰ লগে লগে তেওঁলোকে আমাক গালি-গালাজ কৰিবলৈ ধৰিলে। তাৰ পিছত গোটটোৱে আমাক আক্ৰমণ কৰি মোৰ পত্নীক চুলিত ধৰি টানি লৈ গ’ল। তেওঁ গৰ্ভৱতী আৰু আনকি পেটতো আঘাত কৰিছিল। সমগ্ৰ দৃশ্য কেমেৰাত বন্দী কৰা হৈছে।”
