বঙাইগাঁও জিলাৰ অভয়াপুৰীৰ ধৰ্মপুৰত দুই নং ৰাজ্যিক ঘাইপথত সংঘটিত হয় ভয়াবহ পথ দুৰ্ঘটনা।
ই-ৰিক্সা আৰু চাৰিচকীয়া বাহনৰ মুখামুখি সংঘৰ্ষ।
ই-ৰিক্সাত থকা এজন নিহত হোৱাৰ লগতে ৮ জন যাত্ৰী আঘাতপ্ৰাপ্ত।
আঘাতপ্ৰাপ্ত দুজনৰ অৱস্থা সংকটজনক।
আজি দুপৰীয়াৰ ভাগত সংঘটিত হয় এই পথ দুৰ্ঘটনাটো।
অভয়াপুৰীৰ পৰা লেংটিচিঙা অভিমুখী আছিল নম্বৰপ্লেট বিহীন ই-ৰিক্সা খন।
আনহাতে বৰপেটাৰ পৰা অভয়াপুৰী অভিমুখী আছিল AS15E1443 নম্বৰৰ বিলাসী বাহনখন।
গাড়ীখনৰ চালক প্ৰীতম কুমাৰ দাস সহ দুগৰাকীক অভয়াপুৰীস্থিত ব্যক্তিগত খণ্ডৰ চিকিৎসালয় এখনত ভৰ্তি কৰে।
ইয়াৰে এগৰাকী মহিলাক উন্নত চিকিৎসাৰ বাবে বৰপেটা মেডিকেল কলেজলৈ প্ৰেৰণ কৰে।
আনহাতে আন এগৰাকী ই-ৰিক্সাৰ যাত্ৰী থিতাতে মৃত্যুক আকোঁৱালি লয়।
আহত আন কেইগৰাকীক অভয়াপুৰী চিকিৎসালয়ত ভৰ্তি কৰা হয়
