25.5 C
Assam
Wednesday, February 8, 2023

Featured News

গুৱাহাটী মহানগৰীত ভয়ংকৰ প্ৰদূষণ; মহানগৰবাসীৰ বৃদ্ধি পাইছে শ্বাহ – প্ৰশ্বাস জনিত বেমাৰ!

দক্ষিণ-পূৰ্ব এছিয়াৰ দুৱাৰমুখ স্বৰূপ গুৱাহাটী মহানগৰীত ভয়ংকৰ প্ৰদূষণ ৷ দিনক দিনে...

মহানগৰীত পুনৰ সংঘটিত জঘন্য ধৰ্ষণকাণ্ড,ধৰ্ষণৰ বলি ১৩ বছৰীয়া কিশোৰী

বাল্য বিবাহৰ বিৰুদ্ধে ৰাজ্য চৰকাৰে কঠোৰ পদক্ষেপ লৈ থকাৰ...

মহা শিৱৰাত্ৰিত নলবাৰীত মুকলি হ’ব ৯১ ফুট উচ্চতাৰ মহাদেৱৰ মূৰ্তি!

মহাশিৱৰাত্ৰিৰ দিনটোতে নলবাৰীত ৰাইজৰ বাবে মুকলি হ’ব...

মন ভালে ৰখাৰ পাঁচটা উপায় কি ? জানক আৰু পঢ়ক

Assamese Newsমন ভালে ৰখাৰ পাঁচটা উপায় কি ? জানক আৰু পঢ়ক

বিভিন্ন সময়ত আমি আমাৰ মনটো নিয়ন্ত্ৰণ কৰিব লগা হয়। আচলতে যিকোনো কাৰণতে আমাৰ মন বেয়া লাগিব পাৰে । মন বেয়া লগাৰ নিৰ্দিষ্ট কোনো সময় নাই । শুই উঠাৰ পিছত , খোৱাৰ টেবুলত , অফিচত কাম কৰা সময়ত বা কাৰোবাৰ ফ’ন কলতো আমাৰ মন বেয়া লাগিব পাৰে ।

গোটেই দিনটো যাতে আপোনাৰ যিকোনো কাৰণত মন বেয়া নেলাগে , তাৰ কাৰণে কিছু পদ্ধতি অৱলম্বন কৰা দৰকাৰ । যি আপোনাৰ এই অভ্যাস নিয়ন্ত্ৰণ কৰি ৰাখিব ।
১/ যেতিয়াই আপোনাৰ মন বেয়া লাগে , তেতিয়াই আপুনি নিজৰ পচন্দৰ গান শুনাৰ চেষ্টা কৰক । প্ৰথমতে বিৰক্তি লাগিলেও কিন্তু এই অভ্যাসে আপোনাৰ মগজু ঠাণ্ডা কৰাত সহায় কৰিব । আচলতে গান হৈছে এনে এটা ঔষধ যি আপোনাৰ মন ভাল কৰিবই ।

২/ বহুতৰে মন বেয়া লাগিলে মাকৰ ওচৰ চাপিলে ভাল হৈ যোৱা দেখা যায় । আপোনাৰো যদি এই অভ্যাস আছে , তেন্তে মন বেয়া লাগিলে মাতৃৰ লগত কিছু সময় পাৰ কৰক ।

গল্প কৰক , কথা পাতক , দেখিব আপোনাৰ মনটো ভাল হৈ গৈছে । যিসকলৰ মাতৃ নাই , তেওঁলোকে বন্ধু-বান্ধৱীৰ লগত কিছু সময় পাৰ কৰক । অৱশ্যে যিসকলৰ লগত আপুনি সময় পাৰ কৰি ভাল পায় , সেইসকলৰ ওচৰলৈ যাব ।

নতুবা আপোনাৰ ভাল লগা পোহনীয়া প্ৰাণীৰ লগতো সময় পাৰ কৰিব পাৰে । এনে কৰিলেও আপোনাৰ মগজু ঠাণ্ডা হৈ পৰিব ।

৩/ মগজু ঠাণ্ডা কৰাৰ আটাইতকৈ ভাল উপায় হৈছে চকলেট খোৱা । যেতিয়াই কাৰোবাৰ ওপৰত খং উঠে বা কিবা কাৰণত মন বেয়া লাগে , তেতিয়াই আপুনি এটুকুৰা চকলেট খাওঁক । দেখিব খুব সহজেই আপোনাৰ মগজু ঠাণ্ডা হৈ পৰিছে ।

৪/ মন বেয়া লাগিলেই ভাল লগা পুৰণা কিতাপ পঢ়ক । যিখন পঢ়ি আপুনি এটা সময়ত খুব আনন্দ পাইছিল । যিকেইটা লাইন পঢ়িলে আপোনাৰ পুৰণা স্মৃতি মনত পৰে , তেনে লাইন বিচাৰি পঢ়িবলৈ চেষ্টা কৰক । এই পুৰণা স্মৃতিয়ে আপোনাৰ মন-মগজু ঠাণ্ডা কৰাত প্ৰচুৰ সহায় কৰিব ।

৫/ কাৰোবাৰ কাৰণে ভাল কাম কৰক । দেখিব আপোনাৰ সকলো খং , ক্ষোভ দূৰ হৈ গৈছে আৰু আপুনি প্ৰশান্তি অনুভৱ কৰিছে । অৰ্থাৎ যেতিয়াই আপোনাৰ মন বেয়া লাগিছে , আপুনি যিকোনো মানুহৰ কোনো এটা উপকাৰ কৰক । এনে কৰিলে আপোনাৰ মন-মগজু একেবাৰে ঠাণ্ডা হৈ যাব ।

বি : দ্ৰ : প্ৰতিবেদনটি তথ্যৰ ওপৰত আধাৰিত যদিও অত্যাধিক মানসিক চাপ আহিলে চিকিৎসকৰ পৰামৰ্শ ল’ব লাগে । যিহেতু যিকোনো ধৰণৰ মানসিক চাপ কেতিয়াবা কোনো গুৰুতৰ ৰোগৰো কাৰণ হ’ব পাৰে ।

Check out our other content

Check out other tags:

Most Popular Articles

error: Content is protected !!