১৩ বছৰীয়া কিশোৰৰ সন্তানৰ মাতৃ হ’ল ৩১ বছৰীয়া মহিলা

0 min read

১৩ বছৰীয়া কিশোৰৰ সৈতে যৌন সম্পর্ক ৩১ বছৰীয়া মার্কিন মহিলাৰ৷ ইয়াৰ পাছতে অন্তঃসত্ত্বা হৈ পৰে মহিলাগৰাকী৷ আমেৰিকাৰ কলোৰাডো প্রদেশৰ এই ঘটনাক লৈ সমগ্র দেশখনত সৃষ্টি হৈছে চাঞ্চল্য৷ মহিলাগৰাকীৰ বিৰুদ্ধে কিশোৰজনৰ ওপৰত যৌন নির্যাতন চলোৱাৰ অভিযোগ অনা হৈছিল৷

আনকি মহিলাগৰাকীক গ্রেপ্তাৰো কৰা হয়৷ কিন্তু মহিলাগৰাকী কাৰাগাৰৰ বাহিৰত আছে৷ স্বাভাৱিকভাৱে প্রশ্ণ উত্থাপন হয়– কিয় মহিলাগৰাকীক বন্দী কৰি ৰখা হোৱা নাই৷ আন্দ্রেয়া ছেৰানো নামৰ এই মহিলাগৰাকীৰ বিৰুদ্ধে আৰক্ষীয়ে মূলতঃ দুটা অভিযোগ আনিছে৷ প্রথমতে বিশ্বাস ভংগ, দ্বিতীয়তে নাবালকৰ ওপৰত যৌন নির্যাতন৷ যোৱা জুন মাহত মহিলাগৰাকীক গ্রেপ্তাৰ কৰা হয়৷

আৰক্ষীৰ জেৰাত কিশোৰৰ সৈতে যৌনতাৰ কথা স্বীকাৰ কৰে মহিলাগৰাকীয়ে৷ যোৱা জুলাই মাহত ৭০ হাজাৰ মার্কিন ডলাৰৰ বিনিময়ত জামিন লাভ কৰে আন্দ্রেয়াই৷ যৌন অপৰাধী হ’লেও আন্দ্রেয়াক কাৰাগাৰত ৰখা হোৱা নাই৷ অৱশ্যে গোচৰটো এতিয়াও চলি আছে৷ ইতিমধ্যে সন্তানো জন্ম দিছে আন্দ্রেয়াই৷

এনে পৰিস্থিতিত কিশোৰজনৰ মাতৃয়ে অভিযোগ কৰিছে যে তেওঁলোকৰ সন্তানৰ শৈশৱ ধ্বংস কৰিছে আন্দ্রেয়াই৷ গতিকে ইয়াৰ ক্ষতিপূৰণ দিব লাগিব৷ মাত্র ১৪ বছৰ বয়সতে পিতৃত্ব লাভ কৰা এই কিশোৰটোৰ এতিয়া মানসিক অৱস্থা সুস্থিৰ হৈ থকা নাই বুলিও পিতৃ–মাতৃয়ে আদালতত অভিযোগ দাখিল কৰিছে৷

You May Also Like

More From Author