24.7 C
Assam
Monday, June 27, 2022

Featured News

Assam’s Nobojit Narzary is DID Little Masters Season 5 winner

Dance India Dance Li'l Masters Season 5 concluded...

অসমৰ বন্যাৰ্তলৈ ২৫ কোটি টকাৰ বান সাহায্য আম্বানীৰ

অসমৰ বান বিধ্বস্ত লোকসকলৈ দেশৰ বিভিন্ন প্ৰান্তৰ...

নগাঁৱৰ শেনচোৱাত কৃষি মেলা আৰু প্ৰদৰ্শনী সম্পন্ন,স্মৰণিকা “সৃজন” উন্মোচন

Assamese Newsনগাঁৱৰ শেনচোৱাত কৃষি মেলা আৰু প্ৰদৰ্শনী সম্পন্ন,স্মৰণিকা "সৃজন" উন্মোচন

গ্ৰাম্য কৃষি-কৰ্ম অভিজ্ঞতা আচঁনি ২০২২ নগাঁও গোটৰ দ্বাৰা আৰু নগাঁও কৃষি বিজ্ঞান কেন্দ্ৰৰ তত্ত্বাৱধানত আজি নগাঁও জিলাৰ শেনচোৱাৰ অমৰ বৰকাকতি উচ্চ মাধ্যমিক বিদ্যালয়ৰ প্ৰাঙ্গনত এখনি কৃষি মেলাৰ অনুষ্ঠিত হৈ যায় । উক্ত কৃষিমেলাত উদ্ভিদ ৰোগ বিজ্ঞান বিভাগ,শস্য বিজ্ঞান বিভাগ,ভূমি বিজ্ঞান বিভাগ,সম্প্ৰসাৰণ শিক্ষা বিভাগ,পতংগ তত্ত্ব বিভাগ আদিকে ধৰি ১২ টা বিভাগৰ বিভিন্ন মডেল,প্ৰচাৰ পত্ৰিকা, বেনাৰ আদি প্ৰদৰ্শন কৰা হয় । কৃষি মেলাখনিৰ মুখ্য আকৰ্ষণ আছিল “কম কৃষি ভূমিৰ আদৰ্শ বাৰী পদ্ধতি”ৰ এটা আৰ্হি । কৃষি প্ৰদৰ্শনীৰ লগত সংগতি ৰাখি আয়োজন কৰা সভাত যোৰহাট কৃষি বিশ্ববিদ্যালয়ৰ বিজ্ঞান গুৰু ড° জয়ন্ত ডেকা,গ্ৰাম্য কৃষি-কৰ্ম অভিজ্ঞতা আঁচনিৰ কেন্দ্ৰীয় সমিতিৰ আহ্বায়ক ড°কৌশিক দাস,নগাঁও কৃষি বিজ্ঞান কেন্দ্ৰৰ মুৰব্বী ড° নিৰঞ্জন ডেকাৰ লগতে নগাঁও কৃষি বিজ্ঞান কেন্দ্ৰৰ আন আন বিষয়ববীয়াসকল,আঞ্চলিক কৃষি বিজ্ঞান কেন্দ্ৰ চিলঙনীৰ মুখ্য বিজ্ঞানী ড° পংকজ দেৱ চৌধুৰী, নগাঁও জিলা কৃষি বিষয়া তৰুণ হাজৰিকা,নগাঁও ৰাৱেপ গোটৰ নিৰীক্ষক মেঘালী বৰুৱা আৰু কুলদ্বীপ মেধি,কৃষি-কৰ্ম অভিজ্ঞতা আচঁনিৰ নগাঁও গোটৰ তত্ত্বাবধায়ক দিপেন চন্দ্ৰ নাথকে ধৰি বহুকেইজন বিশিষ্ট ব্যক্তি উপস্থিত থাকে । সভাৰ উদ্দেশ্য বাখ্যা কৰে নগাঁও গোটৰ দলপতি উপাসনা বৰদলৈয়ে । উক্ত সভাত নগাঁৱৰ তিনিজন উদ্যমী কৃষি ব্যৱসায়ী নয়নজ্যোতি বৰকাকতি, সঞ্জীৱ গোস্বামী আৰু প্ৰভাত শইকীয়াক সম্বৰ্ধনা জনোৱা হয় । বিজ্ঞান গুৰু,জিলা কৃষি বিষয়া, আঞ্চলিক কৃষি গৱেষণা কেন্দ্ৰৰ মুখ্য বিজ্ঞানী,নগাঁও কৃষি বিজ্ঞান কেন্দ্ৰৰ মুৰব্বী আদি বিশিষ্ট অতিথিসকলে উপস্থিত ৰাইজক উদ্দেশ্যি বিভিন্ন পৰামৰ্শ আগবঢ়ায় । এই সভাতেই বৰ্ণালী ফুকন আৰু সব্যসাচী দাসৰ দ্বাৰা সম্পাদিত নগাঁও গোটৰ স্মৰণিকা ”সৃজন” উন্মোচন কৰে বিজ্ঞান গুৰু ড° জয়ন্ত ডেকাই । বৰ্ণালী ফুকন আৰু সব্যসাচী দাসে আঁত ধৰা সভাখনিৰ অন্তত শলাগৰ শৰাই আগবঢ়ায় দিপেন চন্দ্ৰ নাথে । উল্লেখ যে কৃষকৰ বাবে আয়োজন কৰা এই মেলা আৰু প্ৰদৰ্শনীত কৃষকৰ উপস্থিতি সেৰেঙা আছিল। কৃষি প্ৰদৰ্শনীখন দৰ্শন কৰি বিজ্ঞান গুৰু,গ্ৰাম্য কৃষি-কৰ্ম অভিজ্ঞতা আঁচনিৰ আহ্বায়ক আদিকে ধৰি সকলো নিমন্ত্ৰিত অতিথিয়ে ভূয়সী প্ৰশংসা কৰে। যোৱা ফেব্ৰুৱাৰী মাহৰ পৰা শেনচোৱা অঞ্চলত বাস কৰা অসম কৃষি বিশ্ববিদ্যালয়ৰ অষ্টম ষান্মাষিকৰ ৩৫ জনীয়া এটা ছাত্ৰ-ছাত্ৰীৰ গোটে শেনচোৱা অঞ্চলত মাৰ্চ মাহতে এটি কৃষি তথ্য কেন্দ্ৰ উন্মোচন কৰাৰ লগতে কুইজ,বক্তৃতা,চিত্ৰাংকন প্ৰতিযোগিতা,বাটৰ নাট আদি অনুষ্ঠিত কৰি ৰাইজৰ উপকাৰ সাধন কৰে ।

ঋতু পৰ্ণ শৰ্মা,নগাঁও

Check out our other content

Check out other tags:

Most Popular Articles

error: Content is protected !!
%d bloggers like this: