গোসাইগাঁও হায়াৰ ছেকেণ্ডাৰী স্কুলত মেট্ৰিক পৰীক্ষাত অৱতীৰ্ণ ৯৮৬ পৰীক্ষাৰ্থী
ৰাজ্যৰ অন্যান্য ঠাইৰ লগতে গোসাইগাঁও মহকুমাৰ মেট্ৰিক পৰীক্ষাৰ কেন্দ্ৰ সমূহত মেট্ৰিক পৰীক্ষা আজিৰ পৰা কটকটীয়া নিৰাপত্তাৰ মাজেৰে আৰম্ভ হৈছে ৷গোসাইগাঁও হায়াৰ ছেকেণ্ডাৰী স্কুল তথা B23-0488 মেট্ৰিক পৰীক্ষাৰ কেন্দ্ৰত সৰ্বমুঠ ৯৮৬ মেট্ৰিক পৰীক্ষাৰ্থী অৱতীৰ্ণ হৈছে ৷
ইয়াৰে ল’ৰাৰ পৰীক্ষাৰ্থী সংখ্যা ৪০৬ আৰু ছোৱালী পৰীক্ষাৰ্থীৰ সংখ্যা ৫৮০ ৷গোসাইগাঁও হায়াৰ ছেকেণ্ডাৰী স্কুলৰ মেট্ৰিক পৰীক্ষা কেন্দ্ৰত মহকুমাখনৰ ১৫ খন হাইস্কুলৰ ছাত্ৰ ছাত্ৰীয়ে মেট্ৰিক পৰীক্ষাত অৱতীৰ্ণ হৈছে ৷মেট্ৰিক পৰীক্ষাত অৱতীৰ্ণ হোৱা সমূহ পৰীক্ষাৰ্থী লৈ আমছু ,আক্ৰাছু ,এছু ,আছু ,গোসাইগাঁও আৰক্ষী থানা আদিকে ধৰি বিভিন্ন দল সংগঠনে পৰীক্ষাৰ্থীলৈ শুভেচ্ছা বাৰ্তা প্ৰেৰণ কৰি বেনাৰ আঁৰি দিছে পৰীক্ষা কেন্দ্ৰটোৰ সন্মুখত ৷
