15.5 C
Assam
Monday, November 28, 2022

Featured News

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

নগাঁৱৰ জামুগুৰি দঘাট চুবুৰীৰ ২৪০ বছৰীয়া নামঘৰৰ প্ৰতিষ্ঠা দিৱস

15-year-old government vehicles will be scrapped: Nitin Gadkari

Union minister Nitin Gadkari today (November 25)...

কেঁচা পনীৰ খালে হয় এই চাৰিটা লাভ, নিয়ন্ত্ৰণত থাকে ওজন!

পনীৰ ভাৰতীয়সকলৰ প্ৰিয় ব্যঞ্জনবোৰৰ ভিতৰত অন্যতম। পনীৰ...

‘মন্ত্ৰী অজন্তাৰ বাজেটক প্ৰতাৰণাৰ দলিল আখ্যা’; সদনৰ মজিয়াত বিত্তমন্ত্ৰীয়ে দাখিল কৰা বাজেটক লৈ PSSAৰ প্ৰতিক্ৰিয়া

Assamese News'মন্ত্ৰী অজন্তাৰ বাজেটক প্ৰতাৰণাৰ দলিল আখ্যা'; সদনৰ মজিয়াত বিত্তমন্ত্ৰীয়ে দাখিল কৰা বাজেটক লৈ PSSAৰ প্ৰতিক্ৰিয়া

গুৱাহাটী: অসম বিধান সভাত কালি বিত্তমন্ত্ৰী অজন্তা নেওগে দাখিল কৰা ২০২১-২২ বৰ্ষৰ বিত্তীয় বাজেটত ৰাজ্যৰ বিশেষভাৱে সক্ষম সকলক চৰম প্ৰতাৰণা কৰাৰ অভিযোগ তুলিছে প্ৰতিবন্ধী সুৰক্ষা সংস্হা অসমে৷

সদনৰ মজিয়াত বিত্তমন্ত্ৰী গৰাকীয়ে দাখিল কৰা বাজেটত দিব্যাংগ সকলৰ বাবে নতুনকৈ কোনো ধৰনৰ আচনি গ্ৰহন কৰাতো দূৰৰ কথা ২০১৭চনৰ ৭ফেব্ৰুৱাৰীত অসমত বিজেপি মিত্ৰজোঁট চৰকাৰৰ প্ৰথমখন পূৰ্ণাংগ বাজেট অধিবেশনৰ দিনা অসমৰ ৪লাখ ৮০হাজাৰ দিব্যাংগ ব্যক্তিক মাহেকীয়া পেঞ্চন আচনিৰ অধীনত সামৰি লোৱাৰ কথা ঘোষণা কৰিছিল৷

সেই অনুসৰি বাজেটত ২.৫০কৌটি টকা ধাৰ্য্য কৰিছিল৷ পৰিতাপৰ বিষয় এই ধনৰাশি পৰ্যায়ক্ৰমে হ্ৰাস কৰি ২০২০-২১ বৰ্ষৰ বাজেটত মাত্ৰ ১৬৮কৌটি টকা ধাৰ্য্য কৰি সেই সময়ত লাভ কৰি থকা ১লাখ ৬০হাজাৰ ৬১২গৰাকী প্ৰতিবন্ধী ব্যক্তিক পেঞ্চন প্ৰদানৰ লগতে নতুনকৈ ১০শতাংশ হিতাধিকাৰীক অন্তৰ্ভুক্ত কৰাৰ কথা ঘোষণা কৰিছিল৷ কাৰ্যত সমাজ কল্যাণ সঞ্চালকালয়ৰ নতুন হিতাধিকাৰীৰ তালিকা ৰাজ্য চৰকাৰলৈ প্ৰেৰণ কৰাৰ পাছতো যোৱা বৰ্ষত বিত্ত বিভাগে কোনো সহাৰি নিদিলে৷ এইবাৰ যিহেতু সমাজ কল্যাণ মন্ত্ৰী গৰাকীয়ে বিত্ত বিভাগৰ মন্ত্ৰী হিচাপে দায়িত্ব গ্ৰহন কৰিছিল, সেয়েহে প্ৰতিবন্ধী সকলে আশা কৰিছিল যে এইবাৰ অন্তত উপকৃত হব৷

এই মন্তব্য কৰিছে প্ৰতিবন্ধী সুৰক্ষা সংস্হা অসমৰ সম্পাদক নৃপেন মালাকাৰৰ৷ তেওঁ কয় বিত্ত মন্ত্ৰী গৰাকীয়ে প্ৰকৃততে এইবাৰ প্ৰতিবন্ধী সকলোৰ আশাত চেচাপানী ঢালে৷ সমগ্ৰ বিষয়টোক তীব্ৰ ক্ষোভ প্ৰকাশ কৰাৰ লগতে চলিত বিত্তীয় বাজেটক ‘দিব্যাংগ বিৰোধী বাজেট’ আখ্যা দিয়ে মালাকাৰে৷ আজি সংবাদ মাধ্যমৰে হোৱা বাৰ্তালাপত তেওঁ কয় বিত্তমন্ত্ৰী গৰাকীয়ে সদনত দাখিল কৰা বাজেটখনে প্ৰতিবন্ধীক প্ৰতাৰণাৰ ইতিহাস ৰচিছে৷

গতিকে এইখন বাজেট নহয় প্ৰতাৰণাৰ দলিলহে৷ সেয়েহে সময় থাকোতেই প্ৰতিবন্ধী সকল সমাজত জীয়াই থকাৰ স্বাৰ্থত শীঘ্ৰে পেঞ্চনৰ ধনৰাশি বৃদ্ধিৰ লগতে নতুন হিতাধিকাৰী অন্তৰ্ভুক্তিৰ ব্যৱস্থা কৰক৷

অন্যথা প্ৰতিবন্ধী সুৰক্ষা সংস্হা অসমে ৰাজ্যখনৰ প্ৰতিবন্ধী সকলৰ বৃহত্তৰ স্বাৰ্থত পূৰ্বতকৈয়ো জংগী কাৰ্যসূচী গ্ৰহন কৰিবলৈ বাধ্য হব৷ ইয়াৰ বাবে পোনপটীয়াকৈ জগৰীয়া হব ৰাজ্যৰ বিত্ত তথা সমাজকল্যাণ মন্ত্ৰী অজন্তা নেওগ আৰু ৰাজ্য চৰকাৰ৷

Check out our other content

Check out other tags:

Most Popular Articles

error: Content is protected !!
%d bloggers like this: