ঔঁ নমঃ শিবায় এটা অতি শক্তিশালী মন্ত্ৰ। এই মন্ত্ৰৰ অৰ্থ “পৰমেশ্বৰ শিৱক প্ৰণাম “। ভগৱান শিৱক গুৰু বুলি ধৰা হয় সেয়ে এই মন্ত্ৰক গুৰু মন্ত্ৰ বুলিও কয়।
ভগৱান শিৱ হৈছে দয়া আৰু সহানুভূতিৰ গৰাকী । তেওঁৰ উপাসকক দুষ্ট শক্তিৰ পৰা ৰক্ষা কৰে । মানুহৰ মাজত থকা লোভ,মোহ,খং এইবিলাক ভগৱান শিৱই নাশ কৰে।
ইয়াৰ উপৰিও শিৱ ভগৱানে উপাসকৰ আবেদন নিবেদনো গ্ৰহণ কৰে। উপাসকৰ সৌন্দৰ্য্য ব্ঢ়ায় আৰু জ্ঞান উদ্ভাসিত কৰে।
কেতিয়াবা মনলৈ বহুত চিন্তা আহে , কোনো কাম হৈ নুথা নিচিনা লাগে । বাৰে বাৰে হাৰৰ সন্মুখীন হৈ মন উদাসীন হৈ যায়। এনে অৱস্থাত “ঔঁ নমঃ শিবায় ” মন্ত্ৰই ঔষধৰ কাম কৰে।
এই মন্ত্ৰ কেনেদৰে জপ কৰিব লাগে—-
এই মন্ত্ৰ জপ কৰিবৰ কাৰণে কোনো গুৰু নোহোৱাকৈ কৰিব পাৰি। কিয়নো ভগৱান শিৱ নিজেই সকলোৰে গুৰু গতিকে শিৱ ভগৱানক গুৰু মানি শুদ্ধ অন্তৰ আৰু বিশ্বাসেৰে আৰম্ভ কৰিব পাৰে। ( Religious Studies )
মাটিত কিবা এখন দলিচা পাৰি উত্তৰ বা উত্তৰ পূৱ লৈ মূৰ কৰি বহিব লাগে । বহোতে পিঠি একেবাৰে চিধা কৰি মনৰ পৰা সকলো কথা , চিন্তা ভাৱনা আতৰাই ৰাখি কেৱল ভগৱান শিৱক চিন্তা কৰি মন্ত্ৰটো গাবলৈ আৰম্ভ কৰিব লাগে।
এই মন্ত্ৰ প্ৰথম আৰম্ভ কৰোতে সোমাবাৰে কৰিব লাগে। প্ৰতি দিনে একেটা সময়তে গাব পাৰিলে ভাল। ব্ৰহ্ম মূহুৰ্তত অৰ্থাৎ ৰাতিপুৱা তিনি বজাৰ পৰা ছয় বজালৈ সময় খিনিত এই মন্ত্ৰ জপ কৰিব পাৰিলে ভাল।
এই মন্ত্ৰ সিদ্ধ মন্ত্ৰ সেয়ে কোনো সিদ্ধ কৰিব লগীয়া নহয়। অতি কমেও ১০৮ বাৰ গাব লাগে। ভাল তিথি আৰু শাওণ মাহত বেছিকৈ জপ কৰিলে ভাল ফল পাব।
#শাস্ত্ৰ_জ্ঞানম্_অমৃতম্
জুলা শৰ্মা
নতুন দিল্লী