বানে বিধস্ত কৰিছে সমগ্ৰ অসম | জলমগ্ন হৈ আছে ওদালগুৰিৰ বিভিন্ন প্ৰান্তৰ লগতে ৰজাগড়বাসী ৰাইজ। ঘৰ-দুৱাৰ, খেতি-বাতি, পশুধন সকলো এতিয়া পানীৰ তলত | ৰাইজৰ অভিযোগ নালাপাৰা -দেওচুঙা সংযোগী পথটোত এটাও কালভাৰ্ট নোহোৱা বাবে বৰষুণৰ পানীয়ে বুৰাই পেলাইছে গাওঁখন | ভূটান সীমান্তৱৰ্তী পানেৰী বিধানসভা সমষ্টিৰ অন্তৰ্গত ৰজাগড়ত পূৰ্বতে কেতিয়াও হোৱা নাছিল বানপানী | এইবাৰ একেৰাহে ধাৰাষাৰ নেৰানেপেৰা বৰষুণৰ ফলত পানীত ডুবি আছে ৪ নং ৰজাগড় গাওঁখন । বিগত এসপ্তাহ ধৰি পানীৰ বাবে ওলাই আহিব পৰা নাই কেইবাটাও পৰিয়াল ।

বিধায়ক বিশ্বজিৎ দৈমাৰীৰ লগতে প্ৰশাসনৰ ফালৰ পৰা কোনো বিষয়ববীয়া উপস্থিত নোহোৱাত ক্ষোভ উজাৰিলে ভুক্তভোগী ৰাইজে।
সেয়েহে স্থানীয় জনপ্ৰতিনিধিক অতি শীঘ্ৰে পথটো ভালদৰে নিৰ্মাণ কৰি দিবলৈ আহ্বান জনাইছে গাঁওবাসীয়ে।