আকাশত যেতিয়া চৰাই এটা চৰাই উৰি থাকে তেতিয়া সাধাৰণতে সকলোৰে মনত অহা প্ৰশ্ন এটা হৈছে যে, চৰাইটোৱে কিমান দেৰি আৰু কিমান দূৰত্ব উৰি থাকিব পাৰে! এই সকলোবোৰ বিষয়ৰ মাজতে, শেহতীয়াকৈ বিজ্ঞানীসকলে এটা চৰাইয়ে উৰি থকা সময় আৰু অতিক্রম কৰা দূৰত্ব শুনি আচৰিত হৈ পৰিছে। চৰাইটোৱে ১১ দিনত ১৩,৫৬০ কিলোমিটাৰ একেৰাহে উৰা মাৰি অভিলেখ গঢ়িছে। এই চৰাইটোৰ নাম হৈছে বাৰ-টেইলড গডউইট। চৰাইটোৱে ১১ দিনত আলাস্কাৰ পৰা অষ্ট্ৰেলিয়ালৈ দূৰত্ব অতিক্ৰম কৰি ১৩,৫৬০ কিলোমিটাৰ অতিক্ৰম কৰিছে। পাঁচ মাহীয়া বাৰ টেইলড গডৱিটে ১৩ অক্টোবৰত আলাস্কাৰ পৰা উৰা মাৰিবলৈ আৰম্ভ কৰে আৰু ২৪ অক্টোবৰত অষ্ট্ৰেলিয়াৰ উত্তৰ-পূব তাচমানিয়াৰ আনচন্সত উপনীত হয়।
বিজ্ঞানীসকলে ৫ জি উপগ্ৰহ টেগৰ সৈতে সংলগ্ন কৰা বহুতো চৰাইৰ ভিতৰত এইটো এটা চৰাই আছিল। চৰাইবোৰৰ প্ৰব্ৰজনৰ প্ৰকাৰ অনুসৰণ কৰিবলৈ, সিঁহতক আলাস্কাত উপগ্ৰহ টেগৰ সৈতে বন্দী কৰিছিল। পুকোৰোকোৰো মিৰাণ্ডা শ্ব’ৰবাৰ্ড চেণ্টাৰৰ মতে, গডউইটে ১৩ অক্টোবৰত আলাস্কাৰ পৰা উৰা মাৰিছিল আৰু স্পষ্টতঃ তাচমানিয়ালৈ অবিৰাম ভ্ৰমণ অব্যাহত ৰাখিছিল। ২৩২৪৬৮৪ নম্বৰ ৫ জি টেক কৰা এই চৰাইটোৱে ২৫ অক্টোবৰ পৰ্যন্ত ৰৈ নোযোৱাকৈ এই মাৰাথন যাত্ৰা সম্পূৰ্ণ কৰিছিল।
