চাৰিওফালৰ সকলো ঘটনা, ফটো, সকলো জমা হয় মগজুৰ প্ৰাকৃতিক ষ্ট’ৰেজত। আৰু যি প্ৰাকৃতিক কেমেৰাত সেই ফটো আবদ্ধ হয়, সেয়া হ’ল চকু। চকুৰ জৰিয়তে সকলো সংগ্ৰহ হয় মগজুত। কিন্তু আপোনাৰ ধাৰণা আছেনে, চকুৰ ঠিক মেগাপিক্সেল কিমান?
যদি আপুনি আইফোন–১৫ৰ তুলনাত ধৰে, তেন্তে তাত মেগাপিক্সেল ৪৮, আৰু তাতকৈ শক্তিশালী আপোনাৰ চকু। কিন্তু আপোনাৰ চকুৰ কাৰ্যকাৰিতা কেমেৰাৰ দৰে নেকি?
পিক্সেল কি, সেয়া বহুতেই জানে। পিক্সেলৰ অৰ্থ হ’ল এখন ফটো কেমেৰাত কিমান স্বচ্ছ, শ্বাৰ্প উঠিব, কিমান পৰিষ্কাৰ দেখা যাব, সেয়া। ফলত আপুনি চকুৰে যি স্পষ্টতা দেখিবলৈ পায়, সেয়া তাৰ ওপৰত নিৰ্ভৰ কৰিব।
বিজ্ঞানীসকলে কৈছে, আপোনাৰ চকুৰ পিক্সেলৰ সংখ্যা ৫৭৬ মেগাপিক্সেল। অৰ্থাৎ আপুনি চকুৰে যেনে দেখিছে, তেনে ছবি তৈয়াৰ কৰিবলৈ গ’লে আপোনাৰ বাবে সেই এলেকাৰ মুঠ ৫৭৬ মিলিয়ন পিক্সেল যোগ দিব লাগিব।
কিন্তু আপোনাৰ চকু যেতিয়া বিভিন্ন দিশত ঘুৰাফুৰা কৰে, তেতিয়া এয়া নিৰ্ধাৰিত নাথাকে। কিন্তু এটা ছিংগল স্নেপশ্বটত ৰিজলুশ্যন কমেও ৫ৰ পৰা ১৫ মেগাপিক্সেলত আহি ৰয়। কিন্তু ই কেমেৰাৰ দৰে নহয়, ইয়াত নানা সমস্যা আছে।
আপোনাৰ চকুৰ কেন্দ্ৰৰ দিশে এটি সৰু অংশত আপুনি হাই–ৰিজলুশ্যন দেখিবলৈ পায়। ইয়াক কোৱা হয় ফভিয়া। আপোনাৰ চকুত এটা অংশ আছে, যাক ব্লাইণ্ড স্পট বোলে।
