শীতকালত কাপোৰ নোহোৱাকৈ শুই থকাটো কঠিন। ঠাণ্ডাত মানুহে গৰম কাপোৰ পিন্ধিব বিচাৰে। বিপৰীতে গৰমৰ দিনত প্ৰায়ে মানুহক কাপোৰ নোহোৱাকৈ শুই থকা দেখা যায়। কিন্তু, কাপোৰ নোহোৱাকৈ শুই থকাটো কিমান উপকাৰী হ’ব পাৰে জানেনে। কাপোৰ নোহোৱাকৈ শুই থাকিলে বহু উপকাৰ পোৱা যায়। কাপোৰ অবিহনে শুই থাকিলে কি কি লাভ হয় জানিবলৈ চেষ্টা কৰোঁ আহক। ই কেনেকৈ সকাহ আনে?
১.উদ্বেগ কম হয়ঃ
কাপোৰ নোহোৱাকৈ শুই থকাৰ উপকাৰ মগজুত দেখা যায়। ইয়াৰ ফলত মগজুত শৰীৰক শিথিল কৰা হৰম’ন নিৰ্গত হয়। যদি কোনো সংগীৰ সৈতে শুই থাকে তেন্তে ই অক্সিট’চিনৰ মাত্ৰা বৃদ্ধি কৰে। কাপোৰ নোহোৱাকৈ শুই থাকিলেও উষ্ণতা নিয়ন্ত্ৰিত হয়। ইয়াৰ বাবে শৰীৰত পানীৰ অভাৱ নহয়।
২.হৃদৰোগৰ সম্ভাৱনা হ্ৰাস কৰেঃ
টোপনিয়ে প্ৰত্যক্ষভাৱে হৃদয় আৰু মনক প্ৰভাৱিত কৰে। টোপনিৰ অভাৱত উচ্চ ৰক্তচাপ, ডায়েবেটিছ, হৃদৰোগৰ আশংকা থাকে। কাপোৰ খুলি শুই ভাল টোপনি অহাত সহায় কৰে। ইয়াৰ বাবে হৃদযন্ত্ৰকে ধৰি অন্যান্য ৰোগত আক্ৰান্ত হোৱাৰ সম্ভাৱনা বহু পৰিমাণে হ্ৰাস পায়।
৩.উৰ্বৰতা বৃদ্ধি কৰেঃ
ইয়াৰ ডাঙৰ প্ৰভাৱ পুৰুষৰ প্ৰজনন ক্ষমতাতো দেখা গৈছে। শেহতীয়াকৈ এই সন্দৰ্ভত এক অধ্যয়ন কৰা হৈছে। অধ্যয়নত প্ৰকাশ পাইছে যে যিসকল লোকে টাইট আণ্ডাৰৱেৰ পিন্ধে। তেওঁৰ শুক্ৰাণুৰ সংখ্যা কমি যায়। মুঠ ৬৫৬ জন লোকক গৱেষণাত অন্তৰ্ভুক্ত কৰাত দেখা যায় যে যিসকলে টাইট আণ্ডাৰৱেৰ পিন্ধিছিল, তেওঁলোকৰ মাজত শুক্ৰাণুৰ সংখ্যা কম দেখা গৈছিল।
৪.উন্নত বিপাকীয় ক্ৰিয়াঃ
কাপোৰ নোহোৱাকৈ শুই থকাৰ প্ৰভাৱ শৰীৰত দেখা গৈছে। এনে কৰিলে ব্ৰাউন ফেটৰ উৎপাদন বৃদ্ধি পায়। ই শৰীৰৰ বিপাকীয় ক্ৰিয়া উন্নত কৰাৰ কাম কৰে। সঠিক বিপাকীয় ক্ৰিয়াৰ বাবে ওজন বৃদ্ধি নহয়। ইয়াৰ ফলত মেদবহুলতাৰ লগত জড়িত ৰোগ নহয়, আনহাতে মুখমণ্ডলতো গ্লো দেখা যায়।
