আন কাপোৰৰ লগত অন্তৰ্বাস ধোৱাটো বিপদজনক! জানেনে ইয়াক ধোৱাৰ সঠিক উপায় কি?

0 min read

কাপোৰ ধোৱাৰ সময়ত আমি এনে বহু কথাক আওকাণ কৰাৰ প্ৰৱণতা ৰাখোঁ, যিবোৰৰ প্ৰতি মনোযোগ দিয়াটো আটাইতকৈ গুৰুত্বপূৰ্ণ। কিছুমান কাপোৰ পৃথকে পৃথকে ধোৱাৰ প্ৰয়োজন বুলি নাভাবি আমি সকলোৱে বেছিভাগ কাপোৰ একেটা বাল্টিতে থৈ দিওঁ। মানুহে দাগ পৰাৰ ভয়ত বগা কাপোৰ পৃথক কৰে, কিন্তু অন্তৰ্বাস বা আণ্ডাৰৱেৰৰ কথা কি ক’ব? আমাৰ বহুতেই বা সঁচাকৈয়ে ক’বলৈ গ’লে বেছিভাগ মানুহেই আন কাপোৰৰ লগতে আণ্ডাৰৱেৰ ধুৱে, কিন্তু তেনে কৰাটো সঠিক নেকি? বাকী কাপোৰৰ লগত আণ্ডাৰৱেৰ ধুব লাগেনে? ইয়াৰ উত্তৰ কি জানো আহক।

গৱেষকসকলৰ মতে এটা আণ্ডাৰৱেৰত দিনটোত ১০ গ্ৰাম পৰ্যন্ত মল থাকিব পাৰে, গতিকে কল্পনা কৰকচোন যেতিয়া আপুনি বাকী কাপোৰৰ সৈতে ৱাশ্বিং মেচিনত ধুই দিয়ে তেতিয়া কি হয়? এই পানীত প্ৰায় ১০ কোটি ইস্কেৰচিয়া কলাই আৰু ষ্টেফাইলোক’কাছ অৰেয়াছ বেক্টেৰিয়া থাকিব, যিবোৰে এই সংক্ৰমণ বিয়পোৱাৰ বাবে দায়ী বুলি ধাৰণা কৰা হৈছে।

গৰম পানী ব্যৱহাৰ কৰা উচিত নেকি?

অটোমেটিক ৱাশ্বিং মেচিনে আমাৰ বাবে বহু কাপোৰ ধোৱা আৰু শুকুৱাবলৈ অতি সহজ কৰি তুলিছে। কিন্তু কাপোৰ ধোৱাৰ বাবে পানীৰ উষ্ণতা কি হ’ব লাগে, আমাৰ বহুতেই ইয়াৰ প্ৰতি গুৰুত্ব নিদিয়ে। যদি আমি ১৫ ডিগ্ৰী চেলছিয়াছত কাপোৰ ধুই আছোঁ তেন্তে সেয়া শুদ্ধ। কিন্তু আমি এইটোও জনা উচিত যে আমাৰ কিছুমান কাপোৰ বিশেষকৈ আণ্ডাৰৱেৰত যথেষ্ট পৰিমাণৰ বেক্টেৰিয়া থাকে। সেইবাবেই এনে কাপোৰ নূন্যতম ৪০ ডিগ্ৰী চেলছিয়াছ উষ্ণতাত ধুব লাগে। যদিহে এইবোৰ পিন্ধা ব্যক্তিজন কোনো ধৰণৰ সংক্ৰমণত ভুগিছে, তেন্তে গৰম পানীত আণ্ডাৰৱেৰ পৃথকে পৃথকে ধুই পেলোৱাৰ প্ৰয়োজনীয়তা আৰু অধিক বৃদ্ধি পায়।

কেৱল ডিটাৰজেন্টও ভাল বিকল্প নহয়ঃ

বেছিভাগ মানুহেই কাপোৰ ধুবলৈ শক্তিশালী ডিটাৰজেণ্ট ব্যৱহাৰ কৰে, সেইটোও ঠাণ্ডা পানীত। আণ্ডাৰৱেৰত বৃহৎ সংখ্যক বেক্টেৰিয়া থাকে। সেইবাবেই সেইবোৰ অতি গৰম পানীত ধুব লাগে। আণ্ডাৰৱেৰ ধুবলৈ কেৱল ডিটাৰজেণ্টেই যথেষ্ট নহয়। আপুনি গৰম পানীত ডিটাৰজেণ্টৰ লগতে ব্লিচ অন্তৰ্ভুক্ত কৰিব লাগিব, তেতিয়াহে সংক্ৰমণ বিয়পোৱা বেক্টেৰিয়াৰ সম্পূৰ্ণৰূপে নোহোৱা হ’ব। ইয়াৰ উপৰিও বীজাণুনাশক দ্ৰব্যও ব্যৱহাৰ কৰিব পাৰে।

You May Also Like

More From Author